မုာ်ြတီၤကီၢ်ရ့ၣ် သုးက့၅ ဒွဲၣ်လိကီၢ်ဆၣ်ဟီၣ်က၀ီၤပူၤ နအဖ တပ်မ ၄၄ (နည်းဗျူဟာ) (၄၄၂ဗျူဟာမှူး)အမံၤတင်ထွန်း တီ ခိၣ်ရိၣ်မဲနဲၣ် လီၤ၀ဲသုးခိး ကီၢ်ဆၢBGFသုးရ့ၣ်နီၣ်ဂံၢ် ၁၀၁၃သုးရ့ၣ်ခိၣ်မံၤ (လှြကိုင်)ဒီးသုးရ့ၣ်ခိၣ်၂အမံၤ(တင်ဝင်း) လၢကဟဲ တ့ ထီၣ် အသုး ရ့ၣ်တၢ်လီၢ်ဒီးအသုးဟံၣ်ဖိဃီဖိအ လီၢ်အကျဲ(မိန်းမလိုင်)ဖဲနိၣ်ဖီထံဒီးက တၢတံးဘၢၣ်စၢၤ (၀ၣ်ခၢးတိၤ)တၢ် လီၢ်ဟီၣ်က ၀ီၤန့ၣ် လီၤ.
လၢအ၀ဲသ့ၣ်တၢ်သူၣ်ထီၣ်ဘှီထီၣ်အဂီၢ်လဲၤငါန့ၢ်၀ဲ(ြက့ဟ့)ခီပနံၣ်လၢကဟဲသူၣ်ထီၣ်ဘှီထီၣ်န့ၢ်အီၤန့ၣ်လီၤ.(ြက့ဟ့)ခီပ နံၣ်အံၤဘၣ် တၢ် တီခိၣ်ရိၣ်မဲအီၤလၢဦးဟန်အင်းဒီးအမဲန့ကၠၢၢ်တခီ မ့ၢ်၀ဲ ဦးေစာေစာလွင် န့ၣ်လီၤ. ဒ်သိးတၢ်ရဲၣ် တၢ် ကျဲၤက ကဲထီၣ် လိၣ်ထီၣ် အဂီၢ် ဗျူးဟာမှူး တင်ထွန်း မၢလီၤ၀ဲ (BGF) သုးရ့ၣ်ခိၣ် လှြကိုင် လၢကဘၣ်လဲၤဟံန့ၢ်၀ဲကမျၢၢ်အဟီၣ် ခိၣ်ခိၣ်လၢအမ့ၢ် စံာ် ပျီ, ကီၣ်ကျီး,တၢ်သွၣ်ခိၣ်ဒီးကရၢၢ်သ့ၣ်တဖၣ်န့ၣ်လီၤ.
တၢ်လီၢ်လၢအလဲၤဟံန့ၢ်ဆူၣ်၀ဲအံၤအလဲၢ်အ ထီခဲလၢာ်က အိၣ်၀ဲ၇၆အ့ ကၢၣ်န့ၣ်လီၤ. သုးရ့ၣ်ခိၣ်လှြ ကိုင် စံး၀ဲလၢတၢ်ဟံဟီၣ်ခိၣ်ကပံာ်ဒ်အံၤန့ၣ်တ မ့ၢ်ပဟံကလီဘၣ်ပက ဘၣ်ဟ့ၣ်အလုၢ်အပှ့ၤတစဲး တမှဲးန့ၣ်လီၤ. ဖဲန့ၣ်အဆၢ ကတီၢ်သ၀ီဖိတဖၣ်စံး ဘၣ်အီၤ ဒီးဃ့၀ံသးစူၤအီၤ လၢသုမ့ၢ်ဟံပဟီၣ်ခိၣ်အံၤပ တၢ်ဖံးအီၣ်မၤအီၣ်အ လီၢ်တအိၣ် လၢၤဘၣ်အ ဃိပတအဲၣ်ဒိးဆါဘၣ်.တဘၣ်ဟံန့ၢ်ဆူၣ်ပတၢ်တဂ့ၤန့ၣ်လီၤ.
ဘၣ်ဆၣ်သုးရ့ၣ်ခိၣ် လှြကိုင် မၤဆူၣ် ထီၣ်အကလုၢ်စံး၀ဲလၢသုမ့ၢ်တတူၢ် လိာ်ပတၢ်ရဲၣ်တၢ်ကျဲၤ သုမ့ၢ်တဆါဘၣ်တခီပကဟံန့ၢ်ခီလီသုတၢ်န့ၣ်လီၤ.ဒ်န့ၣ်အသိး ဖဲ ၅/၆/၁၂နံၤ စးထီၣ်အ တၢ်ရဲၣ် တၢ်ကျဲၤဒီး ထုးထီၣ်၀ဲအသုးဆှ့ၣ်တဆှ့ၣ်လၢကဟံအါထီၣ်တၢ်ဘံၣ်တၢ်ဘၢဒံး သိးသ၀ီ ဖိလဲၤမၤတံာ်တာ်အတၢ်ဖံးတၢ်မၤသုတဘူၣ်,သုတသ့ တဂ့ၤအဂီၢ်န့ၣ်လီၤ.
ပှၤလၢတၢ်ဟံဆူၣ်အဟီၣ်ခိၣ်ကပံာ်တဖၣ်မ့ၢ်၀ဲနိၣ်ဖီထံဒီးကတၢတံးသ၀ီဖိတဖၣ်ဒ်အမံၤဖျါလၢလာ်အသိးန့ၣ်လီၤ.
(၁) စီၤနၣ်နၣ် သးနံၣ် ၆၁ နံၣ် မိၢ်မံၤ နီၢ်က့လ့ ပၢ်မံၤ စီၤဘီၣ်ပၠူၤ အိၣ်သ၀ီ နိၣ်ဖီထံ
(၂)စီၤဘၣ်ဆိၣ်ဂ့ၤ သးနံၣ်၄၈နံၣ် မိၢ်မံၤ နီၢ်အဲၣ်မူ ပၢ်မံၤ စီၤအီၣ်ခၠ့ၣ် အိၣ်သ၀ီ နိၣ်ဖီထံ
(၃)စီၤအီကၠံ သးနံၣ် ၆၈ နံၣ် မိၢ်မံၤ နီၢ်အဲၣ်လ့ ပၢ်မံၤ စီၤရွှ့ၣ်သ့ အိၣ်သ၀ီ နိၣ်ဖီထံ
(၄)စီၤအူခ့ၣ်ကၠံ သးနံၣ်၇၅နံၣ် မိၢ်မံၤ နီၢ်အဲၣ်လ့ ပၢ်မံၤ စီၤရွှ့ၣ်သ့ အိၣ်သ၀ီ နိၣ်ဖီထံ
(၅)စီၤအဲၣ်ကီၢ် သးနံၣ်၄၇နံၣ် မိၢ်မံၤ နီၢ်ဒါဖီ ပၢ်မံၤ စီၤခဲနဒ့ၢ် အိၣ်သ၀ီ နိၣ်ဖီထံ
(၆)နီၢ်မၣ်ငဲၤ သးနံၣ်၃၉နံၣ် မိၢ်မံၤ နီၢ်မးညိၣ် ပၢ်မံၤ စီၤအူမိစိ အိၣ်သ၀ီ ကတၢတံး
(၇)စီၤအံၣ်စိ သးနံၣ်၄၄နံၣ် မိၢ်မံၤ နီၢ်ခါ ပၢ်မံၤ စီၤအူမဲၣ် အိၣ်သ၀ီ ကတၢတံး
(၈)နီၢ်အ့စ့ၤသးနံၣ်၄၈နံၣ်မိၢ်မံၤ နီၢ်မၣ်ဒၤမၣ် ပၢ်မံၤ စီၤစၢက့ၤတီၣ် အိၣ်သ၀ီ ကတၢတံး
(၉)စီီၤတံမံၣ် သးနံၣ်၈၀နံၣ် မိၢ်မံၤ နီၢ်စမါ ပၢ်မံၤ စီၤမ့ဒ့ၣ် အိၣ်သ၀ီ ကတၢတံး
(၁၀)စီၤအံၣ်မၤ သးနံၣ် ၄၀ နံၣ် မိၢ်မံၤ နီၢ်ဒီၤဘူဒံ ပၢ်မံၤ စီၤအၤတူး အိၣ်သ၀ီ ကတၢတံး သ့ၣ်တဖၣ်န့ၣ်လီၤ.
ပှၤဆှၢတၢ်ကစီၣ်
ကီၢ်ရ့ၣ်မုာ်ြတီၤ၀ဲၤဒၢး
Subscribe to:
Post Comments (Atom)
0 ဟ့ၣ်ခီၣ်မဲၣ်လီၢ်ဖဲအံၤ:
Post a Comment