ဒီးတၢ်ဒုးတဘျီအံၤယံာ်ဝဲ၁ နၣ်ရံၣ်ဃာ်ဃာ်ဒီးလၢပယီၤသုးအပှၤ BGF တခီသံ ၄ ဂၤ ဒီးဘၣ်ဒိ ၁ဂၤ မ့မၢ်လၢKNU အပှၤတခီ ဘၣ်ဒိသဖှံၣ် ၂ဂၤဒီးမၤန့ၢ်ဝဲ AR ၄ခိၣ် ,point 22 ၁ခိၣ်,ကျိဖုၣ်OC ၁ခိၣ်, Carbine ၁ခိၣ် ခဲလၢာ် ၇ ခိၣ်န့ၣ်လီၤ. ဘၣ်ဃးဒီးတၢ်ဂ့ၢ်ကဲထီၣ်သးဒ်အံၤ အဖီခိၣ်KNU ခိၣ်နၢ်လၢ တအဲၣ်ဒိးပာ်ဖျါ အမံၤတဂၤစံးဝဲဒ်အံၤလီၤ.
”တချူးတၢ်ကဲထီၣ်အသးဒ်အံၤဘၣ်န့ၣ် ပပှၤလၢအအိၣ်ဖ ဲမဲစ့း တၢ်လီၢ်သ့ၣ်တဖၣ်ဘၣ် ကွၢ်ဆၢၢ်မဲာ်ဒီး ဒုၣ်ဒါ BGF အသုးတဖၣ်အတၢ်ဟူးတၢ်ဂဲၤ ဒ်အံၤအဖီခိၣ်အဝဲသ့ၣ်ဂုာ်ကျဲးစၢး ဂဲၤလိာ်ြတီဆၢ ဝဲလၢ တၢ်စံးတၢ်ကတိၤ အကပၤကပၤအဘျီတဖၣ်အဘျီဒ်သိး တၢ်အိၣ်သးသုတတုၤဃီၤ ဆူတၢ်ဒုး တၢ်ယၤတဂ့ၤအဂီၢ်န့ၣ်လီၤ.ဘၣ်ဆၣ် လၢခံပယီၤအပှၤတဖၣ် တပတုာ်ကွံာ်အတၢ်ဟူးတၢ်ဂဲၤအဃိ ပဆဲးကျိးဒီးလီၢ်ခၢၣ်သးခိၣ်နၢ်လၢဘၣ်ဃးဒီး BGF သုးအတၢ်ဟူးတၢ်ဂဲၤအံၤ ကပတုာ်ကွံာ်အသးဒီး သုတဆှၢအါ ထီၣ်ဒီးဟံန့ၣ်အါ ထီၣ်တၢ်လီၢ်တၢ်ကျဲ တဂ့ၤအဂီၢ်ပမၢလီၢ်ခၢၣ်သး (သဝခ)ခိၣ်နၢ်တဖၣ် ဆဲးကျိးဒီး BGF သုးခိးကီၢ်ဆၢခိၣ် ((ဦးေအာင်လွင်)လၢသုတ ဆှၢအါထီၣ်အသုးဒီးမၢဟူးဂဲၤ အါထီၣ်တဂ့ၤအဂီၢ်န့ၣ်ဘိးဘၣ် သ့ၣ်ညါဝဲချူးဆၢချူးကတီၢ်န့ၣ်လီၤ.
ဘၣ်ဆၣ်လၢခံခီဖျိBGFအသုးတဖၣ်ဟူးဂဲၤဟံလဲၢ်ထီၣ်ဟီၣ်ကဝီၤအါထီၣ်ကွ့ၢ်ကွ့ၢ် တုၤတၢ်ဘၣ်ကဲ ထီၣ်အ သးဒ်အံၤလီၤ.”မဲစ့းတၢ်လီၢ်အံၤမ့မ့ၢ်လၢပယီၤသုး တခီဂဲၤလိာ်တ့ၢ် လံဝဲလၢကမၤ န့ၢ်ဝဲ တချူးဒံးလၢ KNU ခိၣ်နၢ်ဒီးပယီၤပဒိၣ်ခိၣ်နၢ်တဖၣ် စးထီၣ်ကတိၤဒံးတၢ်ပတုာ်တၢ်ခး လံၤလံၤလၢက မၤဝဲမုၢ်ကျိၤဝဲၤကွာ်ဒ်အမ့ၢ် တၢ်မၤသ့ၣ်,တၢ်ခူၣ်လၢၢ်,ဒီးအဒိၣ်ကတၢၢ်န့ၣ်မ့ၢ်လၢကတ့ထီၣ်ဝဲ (ဟတ်ြကီး)ထံတမၢၢ်န့ၣ်လီၤ.တုၤမ့ၢ် KNUခိၣ်နၢ်ဒီးပယီၤပဒိၣ်ခိၣ်နၢ်တဖၣ် စးထီၣ်မၤဝဲတၢ်စံးကတိၤ သကိးဘၣ်ဃးတၢ်ကပတုာ်တၢ်ခးဒီးသူၣ်ထီၣ် တၢ်မုာ်တၢ်ခုၣ်အဆၢကတီၢ်လံန့ၣ် ပယီၤသုးတဖၣ် စးထီၣ်ဂဲၤဂီၤအသးလၢကမၤန့ၣ်ဝဲတၢ်လီၢ်အံၤဒီးဟ့ၣ်လီၤဝဲ တၢ်ကလုၢ်မၢလီၤဝဲအပှၤတဖၣ်လၢအမ့ၢ် BGFသုး,သုးရ့ၣ်(၁၀၁၃,၁၀၁၄) တဖၣ်မၢဝဲအဟံလဲၢ်ထီၣ်ဟီၣ် ကဝီၤ ဆူၣ် ထီၣ်အါထီၣ်ကွ့ၢ်ကွ့ၢ် ဖဲမဲစ့းတၢ်လီၢ်ဟီၣ်ကဝီၤအံၤန့ၣ်လီၤ.
KNU ဒီးပယီၤသုးအပှၤBGF အဘၢၣ်စၢၤတၢ်ဒုးကဲထီၣ်အသးဒ်အံၤန့ၣ်မ့ၢ်ဝဲတၢ်အဆိကတၢၢ်တဘျီဖဲ KNUခိၣ်နၢ်ဒီးပယီၤပဒိၣ်ခိၣ်နၢ်တဖၣ်မၤဝဲတၢ်စံးကတိၤသကိးတၢ်ပတုာ်တၢ်ခးလၢကသူၣ်ထီၣ်ဝဲတၢ် မုာ်တၢ်ခုၣ်ဝံၤ အ လီၢ်ခံန့ၣ်လီၤ.
တၢ်ကစီၣ်ဂံၢ်ထံး
မုာ်ြတီၤကီၢ်ရ့ၣ်
0 ဟ့ၣ်ခီၣ်မဲၣ်လီၢ်ဖဲအံၤ:
Post a Comment