ဒုၣ်ဒါ နအဖအပှၤ BGF အသုးတဖၣ်ဟဲနုာ်လီၤဟံးန့ၣ်အါထီၣ်သုးတၢ်လီၢ်လၢကဆီလီၤသးအဂီၢ် ဖဲသုးက့ (၅) ဒီးသုးက့(၇) ဟီၣ်ကဝီၤပူၤအဂ့ၢ်ပှၤဘၣ်မူဘၣ်ဒါတနီၤလံီၤ. ဖဲလါယူၤလံအသီ၃၀, ၂၀၁၂နံၤ ဒုၣ်ဒါ နအဖအပှၤ BGF သုးရ့ၣ်နီၣ်ဂံၢ (၁၀၁၄) သုးရ့ၣ်ခိၣ်မီၣ်ခၠံၣ်ဒီးအပှၤ(၃၀)ဂၤ ဟဲနုာ် လီၤ၀ဲဖဲမဲးလါသုးက့(၅)ဟီၣ်ကဝီၤပူၤ လၢသုးက့(၅)အပှၤသ့ၣ်တဖၣ် ဟူးဂဲၤတ့ၢ်လံ၀ဲ, တဘျီဃီ BGF သုးရ့ၣ်နီၣ်ဂံၢ် (၁၀၁၁) လၢအဘၣ်တၢ်တီခိၣ် ရိၢ်မဲအီၤလၢစိနဲၣ်ဒီး BGF သုးရ့ၣ် နီၣ်ဂံၢ် (၁၀၁၂) လၢအ ဘၣ်တၢ်တီခိၣ်ရိၢ်မဲအီၤလၢသုးရ့ၣ်ခိၣ်အီၤလ့သ့ၣ်တဖၣ် ပာ်ဖှိၣ်ထီၣ်အသးဒီး ဟဲနုာ်လီၤ၀ဲဖဲမဲစ့း မုၢ်ထီၣ်သုးက့(၇)ဟီၣ်ကဝီၤတကပၤန ့ၣ်လီၤ. တကးဒံးဘၣ် BGFသုးရ့ၣ်နီၣ်ဂံၢ် (၁၀၁၃) လၢအဘၣ် တၢ်တီခိၣ်ရိၢ်မဲအီၤလၢဖါယုၢ်ဃ့ဒီးအပှၤအဂၤ(၃၀)စ့ၢ်ကီး ဟဲနုာ်လီၤ၀ဲဖဲ (ကန်ညီေနာင်)သဝီ လၢ ကဆီလီၤအသးဒီးဟံးန ့ၢ်လဲၢ်ထီၣ်တၢ်လီၢ်တၢ်ကျဲသ့ၣ်တဖၣ်န ့ၣ်လီၤ.
ဘၣ်ဃးဒီးဒုၣ်ဒါသုးတဖၣ်အတၢ်ဟူးတၢ်ဂဲၤဒ်အံၤအဖီခိၣ် ပှၤဘၣ်မူဘၣ်ဒါလၢ သုးဂ့ၢ်ဝီလၢတအဲၣ်ဒီး ပာ်ဖျါအမံၤ တဂၤ စံး၀ဲဒ်အံၤလီၤ. “ပမ့ၢ်ကွၢ်က့ၤခ့ခါဆၢကတီၢ်ခဲအံၤ ပ KNU ခိၣ်နၢ်ဒီးအူသ့စ့ၣ် ပဒိၣ် ခိၣ်နၢ်တဖၣ် ရဲၣ်ကျဲၤ ၀ဲလၢကမၤ၀ဲတၢ်ပတုာ်တၢ်ခးဒီးသူၣ်ထီၣ်ထံလီၢ်ကီၢ်ပူၤတၢ် မုာ်တၢ်ခုၣ်အဃိ သုး တဖုဒီး တဖုကဘၣ် အိၣ်ပာ် စၢၤလၢတဂၤလၢကစၢ်လီၢ် ဒ်သိးတၢ်သူၣ်ထီၣ်တၢ်နာ်န ့ၢ်လိာ် သးကန ့ၢ်ဒီးဒ်သိးတၢ်ဆဲးကတိၤတၢ်မုာ်တၢ်ခုၣ်အဂ့ၢ် ကလဲၤအသးဘျ ့ဘျ ့ဆှီဆှီအဂီၢ်လီၤ”.
ဒုၣ်ဒါ နအဖသုးတဖၣ်အံၤ စးထီၣ်ဖဲ KNU ခိၣ်နၢ်ဒီး အ၀ဲသ့ၣ်ခိၣ်နၢ်တဖၣ်မၤ၀ဲပြတိာ်တၢ်ပတုာ် တၢ်ခးဝံၤ အ လီၢ်ခံပ ထံၣ်ဘၣ်လၢအ၀ဲသ့ၣ်တဖၣ်န ့ၣ် ဂုာ်န ့ၢ်၀ဲတၢ်ခွဲးတၢ်ယာ်ဒီး သုးထီၣ်အသးလၢ ကလုာ်ဒူၣ်တဖၣ် အဟီၣ်ကဝီၤပူၤကွ ့ၢ်ကွ ့ၢ ်ဂုာ်ဆှၢထီၣ်၀ဲသုးတၢ်အီၣ်တၢ်အီ တၢ်ပီးတၢ်လီသ့ၣ် တဖၣ် ဒီးဂုာ်မၤဂ့ၤထီၣ်ကျၢၤထီၣ်၀ဲ အလီၢ်အကျဲသ့ၣ်တဖၣ်ကွ ့ၢ်ကွ ့ၢ် န ့ၣ်လီၤ. တမၤ၀ဲဒ်တၢ်အၢၣ်လီၤ လိာ်သးလၢ ကဘၣ်ထုးကွ ံာ်အပှၤတဖၣ် လၢပဟီၣ်ကဝီၤပူၤဘၣ်အမဲာ်ညါ မၢ၀ဲမၤဂ့ၤထီၣ် အလီၢ်အကျဲဆှၢထီၣ်န ့ၢ်၀ဲတၢ်အီၣ်တၢ်အီသုးတၢ်ပီး တၢ်လီသ့ၣ် တဖၣ်ဒီးမၢအဟံလဲၢ်ထီၣ်န ့ၢ်ဟီၣ် ကဝီၤတ ဖၣ်ဒ်အံၤအဖီခိၣ် KNU ပှၤဘၣ်မူဘၣ်ဒါလၢသုးဂ့ၢ်ဝီတဂၤ စံးကဒီး၀ဲဒ်အံၤလီၤ.
“ပမ့ၢ်ကွၢ်က့ၤဒုၣ်ဒါ နအဖအပှၤ BGF အတၢ်ဟူးတၢ်ဂဲၤခဲအံၤ မ့ၢ်ဆဲးဟံလဲၢ်ထီၣ်ဟီၣ်ကဝီၤဒီး မၤပျံၤ မၤဖုးက မျၢၢ်ဒ်အံၤဆူညါန ့ၣ် တၢ်ဘၣ်ဂံာ်ဂုာ်ကအိၣ်ထီၣ်၀ဲအမဲာ်ညါတၢ်ဒုးတၢ်ယၤကအိၣ်ထီၣ် တဘျီ ဃီကဘၣ်ဒိစ့ၢ်ကီး၀ဲ ပKNUခိၣ်နၢ်ဒီးနအဖခိၣ်နၢ်တၢ်ရဲၣ်တၢ်ကျဲၤသပှၢ်ကတၢၢ်န ့ၣ် ပသမၢအလီၢ် တအိၣ်ဘၣ် န ့ၣ်လီၤ. ပအဲၣ်ဒိး ဟ့ၣ်ပလီၢ်ဒုၣ်ဒါသုးတဖၣ် သုးတဖုဂ့ၤတဖုဂ့ၤ အိၣ်တဂၤလၢကစၢ် လီၢ်တဂၤကစၢ်လီၢ် ဟူးဂဲၤဟံလဲၢ်ထီၣ်ဟီၣ် ကဝီၤဒီးမၤပျံၤမၤဖုးကမျၢၢ်တဂ့ၤ. တၢ်ဂ့ၢ်ဒ်အံၤ သုမ့ၢ်ဂုာ် ကျဲးစၢးမၤဒံးတခီ တၢ်ကီတၢ် ခဲမ့ၢ်အိၣ်ထီၣ် ပာ်ဒ့ၣ်ပာ်ကမၣ်လိာ်သးအလီၢ်တအိၣ်ဘၣ်န ့ၣ်လီၤ.
နအဖသုးပဒိၣ်အံၤကွဲဃီၤကိးဃီၤ၀ဲ ကလုာ်ဒူၣ်တဖၣ် လၢကမၤ၀ဲတၢ်ပတုာ်တၢ်ခးဒီး ကသူၣ်ထီၣ်ထံ လီၢ်ကီၢ်ပူၤ တၢ်မုာ်တၢ်ခုၣ်ဘၣ်ဆၣ် ဖဲမၤ၀ဲတၢ်ပတုာ်တၢ်ခး အဆၢကတီၢ်ဒီး တၢ်ပတုာ်တၢ်ခး၀ံၤ အလီၢ်ခံအပှၤတဖၣ် မၤဘၣ် ဒိထီဒါဒံး ပှၤဂ့ၢ်ဝီၤခွဲးယာ် လၢကလုာ်ဒူၣ်တဖၣ်အဟီၣ်ကဝီၤပူၤန ့ၣ်လီၤ. ပမ့ၢ်ကွၢ်က့ၤဖဲအပူၤ ကွံာ်လါယူၤအတီၢ် ပူၤန ့ၣ် နအဖ (တပ်မ - ၄၄) ဒုးယၤကရူၢ် ၄၄၂ဒုးယၤခိၣ် တ့ၣ်ထိတီခိၣ်ရိၢ်မဲဒီးနဲၣ်လီၤ၀ဲသုးခိးကီၢ်ဆၢ BGF သုးရ့ၣ်နီၣ်ဂံၢ် (၁၀၁၃) သုးရ့ၣ်ခိၣ် လၣ်ကၠဲၤဒီး သုးရ့ၣ်ခိၣ် (၂) တ့ၣ်၀့ လၢကတ့ထီၣ်သုးရ့ၣ် တၢ်လီၢ်ဒီး အသုးအ ဟံၣ်ဖိဃီဖိအလီၢ်အကျဲအဂီၢ် ဟံး န ့ၢ်ဆူၣ်၀ဲဝီဖိအဂၤတဆံတၢ်လီၢ် ဟီၣ်ခိၣ်ကပံာ်ဖဲနိၣ်ဖီထံဒီး ကတၢတံး ဘၢၣ် စၢၤ တၢ်လီၢ်သ့ၣ်တဖၣ် လၢအအိၣ်၀ဲဒၣ်(၇၆) အ့ကၢၣ်န ့ၣ်လီၤ. ဒီးဖဲလါယူၤ ၁၃သီ ၂၀၁၂ အနံၤန ့ၣ်ခးသံးစ့ၢ် ကီး၀ဲအံတူၢ်ထၣ် ဒဲကဝီၤဖိစီၤြကံမူ, သးနံၣ်(၄၅)လၢတၢ်ကမၣ်တအိၣ်နီတမံၤတဂၤ ခးသံ၀ဲဖဲ ဖးခဲးကၠိကပၤ ဘၣ်ဖဲအလဲၤထၢအီၣ်၀ဲကုၤလၣ်ထၢအခါန ့ၣ်လီၤ.
နအဖပဒိၣ်အံၤကွဲဃီၤကိးဃီၤ၀ဲကလုာ်ဒူၣ်တဖုဘၣ်တဖုထံၣ်လိာ်အိၣ်သကိးဆဲးစုပနီၣ်လၢ ကသူၣ်ထီၣ်တၢ်မုာ် တၢ်ခုၣ်အဂီၢ်အိၣ်ဒီးတၢ်အၢၣ်လီၤအီလီၤမူၤမူၤနီၢ်နီၢ် မၤသ့မၤဘၣ် အသး လၢပှၤမဲာ်ခိၣ်မဲာ်ညါ ဘၣ်ဆၣ် တုၤခဲ အံၤ အတၢ်ဆဲးစုပနီၣ်တၢ်အၢၣ်လီၤအီလီၤဒီးကလုာ် ဒူၣ်သ့ၣ်တဖၣ်န ့ၣ် တမၤဖျါထီၣ်၀ဲအမိၢ်လံၤမိၢ်ပှၢ်နီတမံၤ နီတခါဒံးဘၣ် အမဲာ်ညါအသုး အပှၤသ့ၣ်တဖၣ်န ့ၣ် မၤကမၣ်ထီဒါဒံးတၢ်လၢကလုာ်ဒူၣ်တဖၣ်အဟီၣ်ကဝီၤ ကတီၤ ဂ့ၤထီၣ် အလီၢ်အကျဲကွ ့ၢ်ကွ ့ၢ်ဒီးထီဘိန ့ၣ်အိၣ် ကတီၤပာ်အသးလၢခါဆူညါတၢ်အိၣ်သးအဂီၢ်န ့ၣ်လီၤ.
0 ဟ့ၣ်ခီၣ်မဲၣ်လီၢ်ဖဲအံၤ:
Post a Comment