တဿ္မၯလၯကပီၯကညီဒီကလုာ္တဿ္ထူဢ္ဖ်ဲးသုးမုဿ္ဒိဢ္မုဿ္နံၯပွဲၯထီဢ္(၆၅)၀ီတ၀ီ အမူးဖဲမုာ္ၾတီၯကီဿ္ရ့ဢ္

Saturday, July 5, 2014

 

 

 

တနံၯအံၯလါယူၯလံ၅သီအနံၯတဿ္မၯလၯကပီၯ၀ဲကညီဒီကလုာ္တဿ္ထူဢ္ဖ်ဲးသုးမုဿ္ဒိဢ္ မုဿ္္နံၯဖဲမုာ္ၾတီၯကီဿ္ရ့ဢ္ဒ့ဢ္ဘူးနိဢ္သ၀ီဖဲနီဢ္ဂံဿ္(၁)ပဒိဢ္တီၯထီကႜိဖ်ဿဢ္ထူပ်ီပူၯန.ဢ္လီၯ. 

တဿ္ရဲဢ္တဿ္က်ဲၯအံၯဘဢ္တဿ္မၯအီၯခံပတီဿ္(တဿ)တပတီဿ္မ့ဿ္၀ဲပ်ီပူၯတဿ္ရဲဢ္တဿ္က်ဲၯ ဘဢ္ဃးဒီးသုးတဿ္ဟူးတဿ္ဂဲၯသုးလဲၯကပၯတဿ္ဒီးမ့မ့ဿ္တဿ္ရဲဢ္တဿ္က်ဲၯ(ခံ)ပတီဿ္တပ တီဿ္မ့ဿ္၀ဲခိဢ္နဿ္တဖဢ္တဿ္ထံဢ္လိာ္အိဢ္သကိးဒီးကမ်ဿဿ္‚ကႜိဖိ‚သုးမုဿ္သံဢ္ဘိတဖဢ္လဿ နီဢ္ဂံဿ္(၁)ပဒိဢ္တီၯထီကႜိဘ်ီဢ္ဒိဢ္ပူၯဒီးလဿတဿ္ရဲဢ္တဿ္က်ဲၯတဘ်ီအံၯပွၯကမ်ဿဿ္ဒူဖိ သ၀ီဖိကႜိဖိကႜိသရဢ္ဒီးသုးမုဿ္သံဢ္ဘိပွၯ နီဢ္ဂံဿ္ခဲလဿာ္အိဢ္၀ဲ ( ၅၀၀ )ဘ်ဲဢ္န.ဢ္လီၯ. 

လဿတဿ္မၯလၯကပီၯဘ်ီ၀ဲအံၯပွၯလဿအဟဲမၯလၯကပီၯမူးတဖဢ္ပဢ္ဃုာ္စ့ဿ္ကီး၀ဲဒီး လီဿ္ခဿဢ္သးခိဢ္နဿ္သ၀ခခိဢ္နဿ္ဒီးကီဿ္ရ့ဢ္သုးက့့အဂၯခိဢ္နဿ္သ့ဢ္တဖဢ္လီၯ.တဿ္မၯ လၯကပီၯကညီဒီကလုာ္တဿ္ထူဢ္ဖ်ဲးသုးမုဿ္ဒိဢ္မုဿ္နံၯဒ္သိးအံၯန.ဢ္မ့ဿ္တဿ္အဆိကတဿဿ္ တဘ်ီဒီးမ့မ့ဿ္ခါလဿအပူၯကြံာ္တဿ္မၯလၯကပီၯ၀ဲဘဢ္ဆဢ္တအိဢ္ဒီးတဿ္ရဲဢ္တဿ္က်ဲၯဖး ဒိဢ္ဒ္အံၯဘဢ္အိဢ္ဒဢ္လဿခိဢ္နဿ္တဖဢ္ဟးအိဢ္သကိးကႜိဒီးတဲနဿ္ပဿဿ္ဟ့ဢ္တဿ္သ့ဢ္ညါ လဿကႜိဖိတဖဢ္ဘဢ္ဃးဒီးကညီဒီကလုာ္တဿ္ထူဢ္ဖ်ဲးသုးမုဿ္ဒိဢ္အိဢ္ထီဢ္အဂ့ဿ္အက်ိၯသ့ဢ္ တဖဢ္လီၯ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

တၢ်ဂီၤ

Thursday, October 4, 2012

FBRတၢ်မၤလိအိးထီၣ်အမူးဖဲတၤအုး၀ါပျီ

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

တကီၢ်ခါ ပယီၤပဒိၣ်အသုးတဖၣ်အတၢ်ဟူးတၢ်ဂဲၤဖဲ သုးက့ ၅ ဟီၣ်က၀ီၤပူၤ

Wednesday, September 26, 2012

SPDC Army Camp inside Salawee River

ခ့ၣ်အဲၣ်ယူၣ် ခိၣ်နၢ်ဒီးပယီၤပဒိၣ်ခိၣ်နၢ်တဖၣ် ထံၣ်လိာ်စံးကတိၤသကိးတၢ်လၢ တၢ်မုာ်တၢ်ခုၣ်အဂီၢ် ၃ ဘျီလံဘၣ်ဆၣ် ပယီၤပဒိၣ်အသုးလၢ ခ့ၣ်အဲၣ်ယူၣ် ဟီၣ်က၀ီၤပူၤတဖၣ် အတၢ်ဟူးတၢ်ဂဲၤလၢ အထံးဘၣ်ဒွါဘၣ် ကမျၢၢ်တဖၣ်အိၣ်ဒံး၀ဲအဂ့ၢ် ခ့ၣ်အဲၣ်ယူၣ် ပှၤဘၣ်မူဘၣ်ဒါလၢ အဟူးဂဲၤဖဲ တၢ်မဲာ်ညါ ဟီၣ်က၀ီၤတဖၣ်တဲဖျါ၀ဲလီၤ.

ဖဲ စဲးပထ့ဘၢၣ် ၁၃ သီ ၂၀၁၂ နံၣ်အနံၤန့ၣ် ပယီၤပဒိၣ်အသုး ခမရ ၄၃၄ လဲၤဆီတလဲ၀ဲအပှၤအခါ ဟး၀ဲလၢဘုကျါအဃိ သ၀ီဖိအစံာ် ၅ လီၢ်ဖဲ မဲာ်ယဲာ်လံ လၢအမ့ၢ်၀ဲ ခီပူးကရူၢ် ထိၣ်ဖိပၢ်ဒၢ သ၀ီဖိတဖၣ် အစံာ်အံၤ ဘုသ့ၣ်တဖၣ်ဟးဂီၤဘၣ် ဒိ၀ဲဒၣ်န့ၣ်လီၤ. စံာ်ကစၢ်သ၀ီဖိတဖၣ် မ့ၢ်၀ဲ စီၤတ့ၣ်၀့, စီၤကၠ့ဘဲ, စီၤဖါတိၣ်, စီၤဖါယံၤထူဒီး စီၤဖါဆံးမူ သ့ၣ်တဖၣ်န့ၣ်လီၤ.

ဒီးဖဲ အီကူာ် ၁၅ သီအနံၤန့ၣ် သုးြတိၤ ၄၄ သုးခိၣ် မီၢ်မ့ကၠံၣ် ဟ့ၣ်လီၤဝဲ ထိၣ်ဖိပၢ်ဒၢ သ၀ီဖိတဖၣ် လံာ် ၂ ဒၣ်စ့ၣ်, စၢၢ်ဘိ ၂ ဒၣ်စ့ၣ်, ထိၣ်ဒံးဘိ ၇ ဘိန့ၣ်လီၤ. မ့မ့ၢ် ဖဲ အီကူာ် ၁၇ သီအနံၤန့ၣ် ပယီၤသုး ခမရ ၃၄၀ အပှၤသုးဖိ မီၣ်မီၣ်ကၠံၣ်ဒီး သၣ်နဲၣ်အူဃုာ်ဒီးအသကိး ၁၅ ဂၤဟဲလုၢ်အီၣ်၀ဲ ထိၣ်ဖိပၢ်ဒၢ သ၀ီဖိတဖၣ် လၢမ့ၤချီဒီးတဲ၀ဲလၢ အမၤန့ၢ်အသုးခိၣ်ခံဂၤအနံၤအိၣ်ဖျဲၣ်ဆၢက့ၤပှဲၤထီၣ်န့ၣ်လီၤ.

ဒ်တၢ်ကစီၣ်လၢ ခ့ၣ်အဲၣ်ယူၣ် ပှၤဘၣ်မူဘၣ်ဒါလၢအဟူးဂဲၤဖဲတၢ်မဲာ်ညါဟီၣ်က၀ီၤတဖၣ်ပာ်ဖျါ၀ဲအသိး ဖဲ စဲးပထ့ဘၢၣ် ၁၃ သီ ၂၀၁၂ နံၣ်အနံၤန့ၣ် ပယီၤပဒိၣ်သုး သုးခိးကီၢ်ဆၢ သုးရ့ၣ် ၁၀၁၄ ထုးကွံာ်အ သးဒီး သုးခိးကီၢ်ဆၢ နီၣ်ဂံၢ် ၁၀၁၂ လၢတၢ်တီခိၣ်ရိၢ်မဲအီၤလၢ သုးရ့ၣ်ခိၣ် အီၣ်လ့ဒီးသုးရ့ၣ်ခိၣ် ၂ ဖါဒီဘိ ဃုာ်ဒီးအပှၤ ၅၆ ဂၤအံၤ ဟဲထီၣ်အိၣ်က့ၤ၀ဲလၢ အလီၢ်ဒီး ဟံးဃုာ်စ့ၢ်ကီး၀ဲ ယီၢ်ပိၢ်ထၣ်ဒီးထံပ နၢ်ထၣ် တၢ်လီၢ်သ့ၣ်တဖၣ်န့ၣ်လီၤ.

နအဖသုး မၢ ြက့ဟ့ ခီပနံၣ်လၢ ကဟဲတ့ထီၣ်န့ၢ် သုးခိးကီၢ်ဆၢ သုးဟံၣ်ဖိဃီဖိ မိန်းမလိုင်း ဖဲ ကတၢတံးဒီး နိၣ်ဖီထံအဘၢၣ်စၢၤသ့ၣ်တဖၣ်န့ၣ် သူၣ်ထီၣ်၀ဲ၀ံၤ ၈ ဖျၢၣ်လၢအမ့ၢ် တၢ်ဆါဟံၣ် မိၢ်ဆံး ဖိဆံးဒၢးတဖျၢၣ်, ကျိချံပှာ်သၣ်ဒၢးတဖျၢၣ်, သုးရ့ၣ်ခိၣ်ဒီး သုးရ့ၣ်ခိၣ် ၂ အဒၢးခံဖျၢၣ်, သုးတမှံၤအိၣ်တၢ် လီၢ်တဖျၢၣ်, တၢ်ပာ်သိလ့ၣ်လီၢ်တဖျၢၣ်ဒီးတၢ်အီၣ်အလီၢ်တဖျၢၣ်န့ၣ်လီၤ. မ့မ့ၢ်အဂၤတဖျၢၣ်န့ၣ် တၢ်တသ့ၣ်ညါဘၣ်အီၤဒံးဘၣ်န့ၣ်လီၤ. တကးဒံးဘၣ်အမဲာ်ညါ တၢ်ရဲၣ်တၢ်ကျဲၤအိၣ်ဒံး၀ဲလၢ ကဆဲးသူၣ်ထီၣ်၀ဲ တၢ်သူၣ်ထီၣ်တဖၣ်လၢ နိၣ်ဖီထံ မုၢ်နုၤတကပၤဒံးန့ၣ်လီၤ.

စံးစ့ၢ်ကီး၀ဲဖဲ စဲးပထ့ဘၢၣ် ၈ သီ ၂၀၁၂ နံၣ်န့ၣ် ပယီၤအသုး သုးြတိၤ ၄၄ နဗဟ ၄၄၂ သုးခိၣ် မီၢ်တ့ၣ်အူ ကိးဖှိၣ်၀ဲ ကတၢတံး, ထံသဘျုၣ်ထၣ် သ၀ီသးပှၢ်ဒီးတဲ၀ဲလၢ ခ့ၣ်အဲၣ်ယူၣ် ဒီး သါခိၣ် သါနၢ် ထံၣ်လိာ်သးဆဲးစုမုၢ်ကျၢၢ် ၃ ဘျီလံအဃိ တဘျီအံၤန့ၣ်မ့ၢ်တၢ်လီၤတံၢ်လံ ခ့ၣ်အဲၣ်ယူၣ် သုးမ့ၢ်ဟဲဟး မ့ၢ်ဂ့ၤ မ့ၢ်ဟဲကွၢ်ကီတၢ်ထူဖျၢၣ်ထူတၢ်လိာ်ကွဲန့ၣ်သ့လံန့ၣ်လီၤ. ဘၣ်ဃးဒီးသုးခိးကီၢ်ဆၢ ဘံကၠံအဲးဖ် သုးတဖၣ်အိၣ်လၢ သါစုပူၤလီၤ, သါမ့ၢ်၀ံၤဒီး၀ံၤ၀ဲလီၤ.  မ့မ့ၢ်တၢ်ထုးကွံာ်သုးတခါ ခိၣ်နၢ်တၢ်ဖီခိၣ် မၢပအိၣ်ခိးကနၣ်ဒံး ပာ်ဖျါကဒီးမ့ၢ်၀ံၤ ကဒုးသ့ၣ်ညါက့ၤ၀ဲန့ၣ်လီၤ.

ဒီးဖဲ စဲးပထ့ဘၢၣ် ၁၄ သီ ၂၀၁၂ နံၣ်အနံၤစ့ၢ်ကီး ဘံကၠံအဲးဖ် သုးခိးကီၢ်ဆၢ သုးရ့ၣ်နီၣ်ဂံၢ် ၁၀၁၄ သုးရ့ၣ်ခိၣ် မီၣ်ခၠံး ကိးဖှိၣ်၀ဲ သ၀ီဖိလၢအအိၣ်ဖဲ ဘုသိၣ်ကီၢ်ဆၣ် ကၠီပါကရူၢ်တဖၣ်လၢ ကထၢအါထီၣ် သုးအဂီၢ် မ့မ့ၢ်အသုးလၢအထၢတ့ၢ်ဖဲအပူၤကွံာ် ၂၀၁၀ နံၣ်တဖၣ် ကပျဲဟးထီၣ်၀ဲဒီး လၢအ၀ဲသ့ၣ်တ ဖၣ်အတၢ်ထၢအါထီၣ်အသုးဖိခိၣ် သ၀ီဖိတဖၣ် တအဲၣ်ဒိးဆီၣ်ထွဲအီၤသနာ်က့ ထၢန့ၢ်ဆူၣ်၀ဲ ကၠီပါသ၀ီ ဖိ ၈ ဂၤ, မဲးြပံးဖိခံ ၄ ဂၤ, ထံဘီကီၣ် ၂ ဂၤဒီး ထံထီၣ်ခံ ၁ ဂၤန့ၣ်လီၤ.

ဒီးဖဲ စဲးပထ့ဘၢၣ် ၁၅ သီ ၂၀၁၂ နံၣ်အနံၤစ့ၢ်ကီး ပယီၤသုးကဘီယူၤတဘ့ၣ် ဟဲစီၢ်လီၤ၀ဲဖဲ မိၣ်လိၣ်ဒ့ သုးကလၢၤပူၤဖဲ ကီၢ်လူၢ်ဒၢ ဟီၣ်က၀ီၤ လူၤသီကီၢ်ဆၣ်ဒီး ဟဲစီၢ်လီၤကယံာ်၀ဲ​ ၂၄ မံးနံးဒီး ဟဲတၢ်ဂ့ၢ် တၢ်ကျိၤတခီ တၢ်တသ့ၣ်ညါဘၣ်အီၤလီၤတံၢ်လီၤဆဲးဘၣ်န့ၣ်လီၤ.

ခ့ၣ်အဲၣ်ယူၣ် ခိၣ်နၢ်ဒီး ပယီၤပဒိၣ်ခိၣ်နၢ်တဖၣ်ထံၣ်လိာ်အိၣ်သကိးလၢ တၢ်မုာ်တၢ်တခုၣ် ၀ံၤအလီၢ်ခံ တၢ်ဒုးတၢ်ယာ် မ့ၢ်တအိၣ်လၢၤသနာ်က့ ပယီၤသုးတဖၣ်အတၢ်ဟူးတၢ်ဂဲၤလၢ အမၤဘၣ်ဒိကမျၢၢ် ဖဲခ့ၣ်အဲၣ်ယူၣ် ဟီၣ်က၀ီၤပူၤတဖၣ် န့ၣ်အိၣ်ဒံး၀ဲအဖၢမုၢ်လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

တၢ်ထံၣ်တၢ်ဆိကမိၣ်တၢ်အိၣ်သးဖဲတၢ်ပတုာ်တၢ်ခး၀ံၤအလီၢ်ခံပယီၤသုးတဖၣ်အတၢ်ဟူးတၢ်ဂဲၤ

Sunday, September 16, 2012

လၢ - လူၤသီအဖီဃံလၤ

ပမ့ၢ်ကွၢ်က့ၤပယီၤပဒိၣ်သ့ၣ်တဖၣ် အတၢ်ဟူးတၢ်ဂဲၤန့ၣ်ပမ့ၢ်တဆိကမိၣ်ထံဘၣ်န့ၣ် လီၤဂာ်ဒံးသိလၢအဖူဘျ့ တၢ်အသိးလီၤ.ပမ့ၢ်ဆိကမိၣ်လၢပယီၤပဒိၣ်ဒီးခ့ၣ်အဲၣ်ယူၣ်ပဒိၣ်တဲသကိးတၢ်န့ၣ် ပထံၣ်ဒီးပကဆိကမိၣ်လၢက မ့ၢ်၀ဲတၢ်မ့ၢ်တၢ်တီဒီး တၢ်မုာ်တၢ်ခုၣ်န့ၣ်လီၤ.

ဘၣ်ဆၣ်တၢ်နီၢ်နီၢ်တခီမ့ၢ်ဒၣ် တၢ်မုာ်ပသူၣ်ပသးန့ၣ်လီၤ. ပထံၣ်ဘၣ်လၢတၢ်တဲသကိး တၢ်ပတုာ်တၢ်ခးတဘျီ လၢ်လၢ်လၢတၢ်ပိာ်ထွဲထီၣ်အခံသ့ၣ်တဖၣ် မ့ၢ်ဒၣ်ပယီၤပဒိၣ်သ့ၣ်တဖၣ် အတၢ်ကူၣ်ထီၣ်ဖးလီၤလၢ ကဂုာ်ဟံ န့ၢ် ၀ဲ ကလုာ်ဒူၣ်ဖိသ့ၣ်တဖၣ်အဟီၣ်ခိၣ်ကပံာ်တၢ်လီၢ်တၢ်ကျဲ တၢ်ထူးတၢ်တီၤသ့ၣ်တဖၣ်လီၤ.

ပမ့ၢ်ကွၢ်က့ၤလၢပှၤကညီလီၢ်ကျဲဟီၣ်က၀ီၤတဖၣ် ဖဲတၢ်တဲသကိးတၢ်ပတုာ်တၢ်ခး၀ံၤန့ၣ် သုးပဒိၣ်အပှၤသ့ၣ် တဖၣ် ဟဲဂုာ်ဟံန့ၢ်၀ဲတၢ်လီၢ်တၢ်ကျဲလၢ ကညီဟီၣ်က၀ီၤပူၤထီဘိန့ၣ်လီၤ. မ့မ့ၢ်ပှၤကညီဖိသ့ၣ်တဖၣ် ဘၣ်သုး လီၢ်သုးကျဲဒီးမ့ၢ်၀ဲတၢ်နိးတၢ်ဘျးလၢ ပှၤကညီအဂီၢ်ဖးဒိၣ်တခါန့ၣ်လီၤ.

ပယီၤသုးသ့ၣ်တဖၣ်ဆှၢအါထီၣ်အသုးအပှၤတဖၣ် ဖဲတၢ်တဲသကိးတၢ်ပတုာ်တၢ်ခးအဆၢကတီၢ်န့ၣ်လီၤ. ဆၢ ကတီၢ်ဖဲန့ၣ်မ့ၢ်ကျဲအဂ့ၤကတၢၢ်တဘိလၢ သုးတဖၣ်ဆှၢအါထီၣ်၀ဲအပှၤတၢ်အီၣ်တဖၣ် လဲၤထီၣ်က့ၤလီၤ လၢ ကညီဒူသ၀ီဟီၣ်က၀ီၤတဖၣ် လဲၤတလၢက့ၤတလၢတၢ်လီၢ်တၢ်ကျဲလၢတၢ်ပာ်ပနီၣ်န့ၣ်အီၤ လဲၤထီၣ်က့ၤလီၤဖဲ အသး တဟံန့ၣ်တၢ်ဘၣ်သးပှၤကညီဖိ ဘၣ်ပထံၣ်လၢကဲတၢ်ဘျုးတၢ်ဖှိၣ်တခီ ပာ်လၢပယီၤသုးပဒိၣ်လီၤ.

အဃိကဲထီၣ်တၢ်ဘၣ်ယိၣ်ဘၣ်ဘှီတၢ်ကိၢ်တၢ်ဂီၤလၢပဂီၢ်ဖးဒိၣ်ညါန့ၣ်လီၤ.လၢပ၀ဲကညီဖိအဂီၢ်န့ၣ်ပဆိကမိၣ်လၢခိၣ်နၢ်လဲၤတဲတၢ်မုာ်တၢ်ခုၣ်တဘျီပယီၤအသုးတဖၣ်ကက့ၤလီၤစှၤ၀ဲဒီးတၢ်ကမုာ်ကခုၣ်ထီၣ်က့ၤတစဲးဘၣ်ဆၣ်တၢ်နီၢ်နီၢ်တခီတမ့ၢ်ဒ်ပဆိကမိၣ်အသိးဘၣ်အဃိကဲထီၣ်တၢ်လီီၤဘၣ်ယိၣ်လၢပဂီၢ်ဖးဒိၣ်န့ၣ်လီၤ.

ပ၀ဲကညီဖိတဖၣ် အလီၢ်တအိၣ်လၢ ပကဘၣ်အိၣ်မံခ့မံသပ့ၤ ဘၣ်ပကဘၣ်အိၣ် စီၣ်မဲာ်စီၣ်နါဂဲၤပျုၢ်ဂဲၤဆှး န့ၣ်လီၤ.ပ၀ဲကညီဖိတဖၣ်အလီၢ်တအိၣ်လၢ ပကဘၣ်နာ်ြကီ(နာ်ညီ) တၢ်ဘၣ်ပမ့ၢ်နာ်တၢ်န့ၣ် ပကဘၣ်ဃုသ့ၣ် ညါ တၢ်အမိၢ်လံၤမိၢ်ပှၢ်လီၤတံၢ်လီၤဆဲးမး ပကဘၣ်နာ်အီၤလီၤ.

ပယီၤပဒိၣ်လၢ အတဲတၢ်ဒီးပှၤမုာ်မုာ်န့ၣ် ပထံၣ်အမဲာ်ဘၣ်ဆၣ် ပတထံၣ်အသးဘၣ်အဃိ ပတြကၢးနာ်ြကီ တၢ်ဘၣ်. ပယီၤပဒိၣ်လၢအတဲတၢ်ဒီး ပှၤမုာ်မုာ်ဘၣ်ဆၣ် ပဘၣ်သ့ၣ်ညါအီၤလၢတခွဲ(၇)ဘ့ၣ်အိၣ်လၢအပူၤ ပှဲၤ ပှဲၤလီၤ. အဃိပခိၣ်ပနၢ်ဒီး ပှၤကညီဖိခဲလၢာ်တြကၢးလၢ ပအိၣ်မံခ့မံသပ့ၤဘၣ်,တြကၢးစ့ၢ်ကီးလၢ ပဘၣ် နာ်ညီ အီၣ်ညီဘၣ်ပကဘၣ်အိၣ်ဒီးတၢ်ပလီၢ်ပဒီထီဘိန့ၣ်လီၤ. ပကဘၣ်အိၣ်ကတီၤပသးလၢ ခါဆူညါသုးပဒိၣ် အ တၢ်ရဲၣ်တၢ်ကျဲၤကအိၣ်ဒ်လဲၣ်အဂ့ၢ်လီၤ. ပကဘၣ်အိၣ်ဂၢၢ်ကျၢၤကျၢၤဒ်ပတၢ်ပညိၣ်အိၣ်ပာ်အ သိးန့ၣ် လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

ခ့ၣ်အဲၣ်ယူၣ် ထံၣ်လိာ်သးဒီး ကီၢ်ပယီၤပဒိၣ် ၃ ဘျီတဘျီ တၢ်ဂီၤမူ

Friday, September 7, 2012

တၢ် က သူၣ် ထီၣ် တၢ် နာ် န့ၢ် လိာ် သး တ ဂၤ ဒီး တ ဂၤ အ ဂီၢ် န့ၣ် ကီ ဒိၣ် မး လၢ ပ ပှၤ အိၣ် တၢ် မဲာ် ညါ တ ဖၣ် က အိၣ် ဒီး တၢ် က နာ် န့ၢ် ၀ဲ တၢ် ပ တုာ် တၢ် ခး အ တၢ် အၢၣ် လီၤ န့ၣ် လီၤ. အ ဂ့ၢ် ဒ် လဲၣ် န့ၣ်, အ ပူၤ ကွံာ် တၢ် မၤ တၢ် ပ တုာ် တၢ် ခး တ ဘျုး ဘီျ အ ဖီ ခိၣ် တုၤ မ့ၢ် တၢ် အၢၣ် လီၤ တ ဖၣ် ဟး ဂီၤ လံ န့ၣ် ဒီး ပ ဘၣ် တ ခွ့့ ထီၣ် ပ ခံ ဒီး ရဲၤ ရီၤ ထီၣ် ပ သး ကိး ဘျီ ဒဲး န့ၣ် လီၤ. လၢ တၢ် န့ၣ် အ ဃိ, ပ မ့ၢ် ဆိ က မိၣ် ဒၣ် အီၤ ဖှံ ဖှံ ဖိ ဒီး ပ မ့ၢ် မၤ ဒၣ် အီၤ ညီ ညီ ဒ် အံၤ န့ၣ် က ကဲ ထီၣ် အ သး ဒ် အ ပူၤ ကွံာ် အ သိး သ့ ၀ဲ သ့ၣ် သ့ၣ် န့ၣ် လီၤ. ပ ၀ဲ ဒၣ် ပ အဲၣ် ဒိး တဲ သု လၢ ပ တ နာ် စ့ၢ် ကီး တၢ် ပ တုာ် တၢ် ခး အ တၢ် အၢၣ် လီၤ ဘီျ အ ၀ဲ အံၤ စ့ၢ် ကီး ဘၣ်. လၢ တၢ် န့ၣ် အ ဃိ ပ အဲၣ် ဒိး စံး ဒ် အံၤ လီၤ, ပ မ့ၢ် အဲၣ် ဒိး ဒုး အိၣ် ထီၣ် တၢ် နာ် န့ၢ် လိာ် သး နီၢ် နီၢ်, ပ မ့ၢ် အဲၣ် ဒိး သူၣ် ထီၣ် တၢ် မုာ် တၢ် ခုၣ် နီၢ် နီၢ် န့ၣ် ယ ဃ့ သ ကွံာ် က ညး ဘၣ် သု လၢ လ့ၤ တ က့ၤ သု တ ရဲၣ် ကျဲၤ မၤ လီၢ် က ၀ီၤ တၢ် ဒိၣ် စိ နီ တ စဲး တ ဂ့ၤ န့ၣ် လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

တၢ််သံကွၢ်် အဖျၢၣ်် ၁၀၀ လၢပကဘၣ််သံကွၢ််လီၤက့ၤ ပကစၢ််အသး

ပပဲာ််ဖးနီၤဖး ပှၤအဂုာ််အဂၤ န့ၣ််ညီ၀ဲဒၣ််ဒိၣ််မးလီၤ. ဘၣ််ဆၣ််သနာ််က့ တုၤမ့ၢ််ပမ့ၢ််သံကွၢ်် လီၤက့ၤ ပသးန့ၣ်် ပသးကညီၤ လီၤပကစၢ််အသး ပကွၢ််မဲာ််က့ၤ ပကစၢ််ဒၣ််၀ဲ ဒီး ပဆိ ကမိၣ်် ဒိၣ််လီၤက့ၤ ပသး သ့ၣ််တဖၣ််န့ၣ်် တမ့ၢ််တၢ််ဆၢ တဲာ််လၢ်အဘၣ််၀ဲဘၣ်် န့ၣ််လီၤ. ကဲထီၣ်် အသး ဒ်န့ၣ််အဃိသတးဒီး ပဆီတလဲမၤတၢ််န့ၣ်် တတုၤ၀ဲဒၣ််ဆူ တၢ်် အမ့ၢ််အ တီဘၣ်် န့ၣ််လီၤ.

ဘၣ််ဆၣ််သနာ််က့ ပမ့ၢ််ပဲာ််ထံနီၤ ဖးပှၤအဂၤန့ၣ်် ပထံၣ််ပှၤအဂၤအတၢ်် ကမၣ်် သ့သ့ဘၣ််ဘၣ်် န့ၣ််လီၤ. အဃိသတးဒီး ပမ့ၢ််ဖဲးထံနီၤဖးပကစၢ််အသးန့ၣ်် ပကဘၣ််သူ၀ဲ တၢ််ဟ့ၣ််အမး ( အမှတ်ေပးစနစ် ) ပနိနီၣ််ထိၣ််န့ၣ််လီၤ. ခဲအံၤ နီၢ််ဃံလၤ အတၢ််ြပၢ လံာ််လဲၢ််ထူသနူတၢ််ြပၢ သ့ၣ််တဖၣ််န့ၣ်် ပှၤလၢအဟ့ၣ််အမးသ့ၣ််တဖၣ်် အဂ့ၤ သူၣ််မံသးမုာ််သ့ၣ််တဖၣ််န့ၣ််ဟ့ၣ််၀ဲ အမးလီၤဆီ န့ၣ််လီၤ. ပှၤလၢကဟ့ၣ်် အမးသ့ၣ််တဖၣ််စ့ၢ််ကီး ကဟ့ၣ််၀ဲအမးဒံးလဲၣ််အဂ့ၢ်် အ၀ဲ သ့ၣ်် တၢၣ််ပီၣ််၀ဲ၀ံၤမး ဟ့ၣ််၀ဲအမးသ့ၣ််တဖၣ််န့ၣ််လီၤ.

ဒ်န့ၣ််အသိးစ့ၢ််ကီးလီၤ ပကပဲာ််ထံနီၤဖးလီၤက့ၤ ပကစၢ််အသးန့ၣ်် တၢ််ဂ့ၤတၢ််ဘၣ်် အကံၢ်် အစီသ့ၣ််တဖၣ််န့ၣ်် ပမ့ၢ််ဟ့ၣ််အမး လၢ်တၢ််သ့ၣ််တဖၣ််န့ၣ််အဖီခိၣ််န့ၣ်် ကမ့ၢ််၀ဲတၢ််လီၤ တံၢ််လီၤ ဆဲးလီၤ. ပကဘၣ််ဟ့ၣ်် အမးလီၤတံၢ််လီၤဆဲး မ့ၢ််မ့ၢ််တီတီန့ၣ်် အရ့ဒိၣ််၀ဲဒၣ််န့ၣ််လီၤ.

ဒ်လၢဖျါလၢလာ််အသိး ပကပဲာ််ဖးနီၤဖးပကစၢ််အသးဒီး ဟ့ၣ််လီၤပကစၢ််အမးကသ့အဂီၢ်် ပကသူ ၀ဲတၢ််သံကွၢ််ဒ် လာ််တဖၣ််အံၤအသိးန့ၣ််လီၤ. မ့ၢ််ဒၣ််ပဟ့ၣ််လိၤပကစၢ်် အမးဒီး ပဲာ််ထံနီၤဖး ဃုကွၢ််ပကံၢ််ပစီလၢအဂ့ၤသ့ၣ််တဖၣ််န့ၣ််လီၤ.

(၁)့ နမ့ၢ််ပှၤလၢ အမံပၢၢ််ထီၣ််ဆိဆိ တဂၤစ့ၢ််ကိးဧါ.

(၂)့ ကိးမုၢ််နံၤ နတၢ််ဖံးတၢ််မၤသ့ၣ််တဖၣ််န့ၣ်် မ့ၢ််ပပာ်လီၤတၢ််တိာ််ကဲျၤဒီး မၤအီၤဧါ.

(၃)့ နတၢ််ဖံးတၢ််မၤန့ၣ်် နပာ်လုၢ််ပာ်ပှ့ၤအီၤဒိၣ််န့ၢ်် ပှၤအဂၤသ့ၣ််တဖၣ််ဧါ.

(၄)့ နမ့ၢ််ဘၣ််ဖံးဘၣ််မၤတၢ််န့ၣ်် တဘျီဃီ မ့ၢ််ပသူၣ််ဖှံသးညီစ့ၢ််ကိးဧါ.

(၅)့ တၢ််မၤန့ၣ်် နပာ်တီၢ််အီၤတသ့ဘၣ်် တသ့တဘၣ််ဘၣ််အဃိ နမၤအီၤန့ၣ််ဧါ.

(၆)့ တၢ််မၤလၢ မ့ၢ််န့ၢ််ကျိၣ််န့ၢ််စ့မး နအဲၣ််ဒိး ဘၣ််သးမၤအီၤဧါ.

(၇)့ နတၢ််သးစွံကတုၤ အိၣ််စ့ၢ််ကီးဧါ.

(၈)့ တၢ််မၤလၢ နကဘၣ််မၤအီၤန့ၣ်် နသးကစဲမၤအီၤအဂီၢ်် နဂုာ််ကျဲးစၢးမၤအီၤစ့ၢ််ကီးဧါ.

(၉)့ တဂ့ၤတဘၣ်် ဘၣ််အဃိ တၢ််မၤလၢ နကဘၣ််မၤအီၤန့ၣ််အိၣ််၀ဲဒၣ််စ့ၢ််ကီးဧါ.

(၁၀)့ နဒွးဆိပာ် တၢ််မၤအဘူးအလဲဖဲ နတချူးမၤဒံးအီၤဘၣ််ဧါ.

(၁၁)့ နပာ်ကဲဒီး ပာ်လုၢ််ပာ်ပှ့ၤ တၢ််ဆၢကတီၢ််ဧါ.

(၁၂)့ နတမၤတၢ််နီတမံၤဘၣ််ဒီး တၢ််ဆၢကတီၢ််လၢာ််ကွံာ််၀ဲ အိၣ််တဘျီဘျီဧါ.

(၁၃)့ တသီ တနွီ တလါ၀ံၤ ကိးဘျီဒဲး ပက့ၤကွၢ််ကဒါက့ၤမ့ၢ်် တၢ််မၤကဲထီၣ်် တကဲထီၣ််ဘၣ််ဧါန့ၣ်် အိၣ််တဘျီဘျီဧါ.

(၁၄)့ နပဲာ််ဖးနီၤဖး တၢ််ပံဒံဒီး တၢ််သူကတီၤ တၢ််ဘၣ််စ့ၢ်််ကီးဧါ.

(၁၅)့ နသူကတီၤဘၣ််တၢ််အဃိ နသးတမုာ််ဘၣ်် အိၣ််တဘျီဘျီဧါ.

(၁၆)့ တၢ််လၢ နတြကၢးသူအီၤဘၣ််န့ၣ်် မ့ၢ််နသူဘၣ််အီၤအိၣ််တဘျီဘျီဧါ.

(၁၇)့ ဒီတနံၤအတီၢ််ပူၤ နစ့တလၢာ််ဘၣ်် အိၣ််တဘျီဘျီစ့ၢ််ကိးဧါ.

(၁၉)့ လၢနဟံၣ််အဂီၢ်် နစ့စရီလၢ နသူအီၤအိၣ််စ့ၢ််ကိးဧါ.

(၁၉)့တၢ််ဖိတၢ််လံၤ တၢ််ပီးတၢ််လီလၢ နဟဲက့ၤပှ့ၤအီၤန့ၣ်် နသူအီၤတသ့ဘၣ်် အိၣ််တဘျီဘျီစ့ၢ််ကီးဧါ.

(၂၀)့ တၢ််လၢ ပထံၣ််သ့ၣ််တဖၣ််န့ၣ်် ပလီကီအီၤအိၣ်် ကိးဘျီဒဲးဧါ.

(၂၁)့ တၢ််လၢ နလီကီတဖၣ််န့ၣ်် မ့ၢ််နြတီနသးန့ၣ််အိၣ််တဘျီဘျီလၢ နတၢ််လဲၤခီဖျိအပူၤဧါ.

(၂၂)့ တံၤသကိးလၢအဂ့ၤ လၢနဂီၢ်် နပာ်ပနီၣ််အီၤအိၣ်် တဂၤဂၤဧါ.

(၂၃)့ နမၤစၢၤဘၣ်် နတံၤသကိးလၢ နသါပ့ၣ််နီၣ်် တသ့ဘၣ်် လၢတၢ််သ့ၣ််နီၣ််အပူၤ တဘျီဘျီဧါ.

(၂၄)့ နတသ့ၣ််ညါပှၤအဂၤ တၢ််မၤစၢၤဘၣ််ဒီး နအိၣ််ခီလီဘၣ်် တဘျီဘျီဧါ.

(၂၅)့ နတၢ််ဒိသူၣ််ဒိသးအိၣ််လၢ ပှၤအဂၤ အဖီခိၣ််စ့ၢ််ကီးဧါ.

(၂၆)့ နပာ်ဒ့ၣ််ပာ်ကမၢ််ဘၣ်် ပှၤအဂၤ စ့ၢ််ကိးဧါ.

(၂၇)့ နပာ်ဒ့ၣ််ပာ်ကမၢ််စ့ၢ််ကိး နကစၢ််အသးတဘျီဘျီဧါ.

(၂၈)့ နပီၢ်် ယၢ််လီၤက့ၤနသးလၢ နသးကံၢ််ပူၤ တဘျီဘျီဧါ.

(၂၉)့ နသ့ၣ််နီၣ်် လီၤက့ၤနသးလၢ နကမၣ််လံ န့ၣ်် အိၣ််တဘျီဘျီစ့ၢ််ကီးဧါ.

(၃၀)့ နသူၣ််မံသးမုာ််လၢ နတၢ််အိၣ််မူ အပူၤစ့ၢ််ကိးဧါ.

(၃၁)့ နမ့ၢ််ပှၤလၢ အ၀ံသးစူၤ တၢ််ကဲတဂၤဧါ.

(၃၂)့ နသးဒိၣ််ထီၣ််တၢ််လၢ သတူၢ််ကလာ်် အပူၤသ့တဂၤဧါ.

(၃၃)့နသးက့ၣ်် သးကွံဘၣ်် ပှၤအဂၤအတၢ််အိၣ််မူ စ့ၢ််ကိးဧါ.

(၃၄)့ နပာ်ပှၤလၢ နဒုၣ််နဒါအိၣ်် တဂၤဂၤစ့ၢ််ကိးဧါ.

(၃၅)့ နတနာ််န့ၢ်် ပှၤအဂၤအါအါဘၣ်် အိၣ််တဘျီဘျီစ့ၢ််ကိးဧါ.

(၃၆)လၢနတၢ််နာ််ကမၣ််အဃိ တၢ််အဘျုးအဖှိၣ်် လီၤစှၤ၀ဲအိၣ်် တဘျီဘျီဧါ.

(၃၇)့ တချုးလၢ နနာ််ဒံးတၢ််ဘၣ််န့ၣ်် နဆိကမိၣ််ထံဒီးပဲာ််ထံနီၤဖးအီၤအိၣ််တဘျီဘျီဧါ.

(၃၈)့ နဆိကမိၣ််လီၤနသးလၢ ပှၤကိးဂၤဒဲး နာ််အီၤနၤစ့ၢ််ကိးဧါ.

(၃၉)့ တၢ််ခဲလၢာ််ခဲစ့န့ၣ်် နဆိကမိၣ််လီၤ နသးလၢ နဘၣ််ခဲလၢာ််န့ၣ််အိၣ််စ့ၢ််ကီးဧါ.

(၄၀)့ ပှၤမ့ၢ််ဒုးနဲၣ်် တဲပၠးပှၤလၢ ပတၢ််ဂံၢ််စၢ််ဒီးပတၢ််ကမၣ််န့ၣ်် မ့ၢ််နသးထီၣ််တၢ််စ့ၢ််ကီးဧါ.

(၄၁)့ နအဲၣ််ဒိးလၢ ပှၤကတိၤဂ့ၤ ကတိၤဒိၣ််နၤ ထီဘိလီဧါ.

(၄၂)့ နမ့ၢ််ပှၤလၢ အအဲၣ်် တၢ််ကတိၤဒိၣ်် ကတိၤဂ့ၤ တဂၤဧါ.

(၄၃)့ နမ့ၢ်် ပှၤလၢ အသးထီၣ််တၢ််သ့တဂၤဧါ.

(၄၄)့ ပှၤအဂၤမ့ၢ်် တဟ့ၣ််နၤ တၢ််မၤစၢၤဘၣ််န့ၣ်် နသးဒိၣ််ဒီး နသးဆါတၢ််စ့ၢ််ကီးဧါ.

(၄၅)့ နမ့ၢ််ပှၤ အသးလီၤဘှံး သးဟးဂီၤ ဘၣ််လၢနတၢ််အိၣ််မူ အပူၤစ့ၢ််ကီးဧါ.

(၄၆)့ နအဲၣ််ဒီးလၢ ပှၤကိးဂၤဒဲး ကဘၣ််မၤ နတၢ််ဘၣ််နသး ထီဘိတဂၤဧါ.

(၄၇)့ လၢဟီၣ််ခိၣ််ချၢတၢ််လၢ အကဲထီၣ််သးသ့ တကဲထီၣ််သးသ့န့ၣ်် မ့ၢ််နသ့ၣ််ညါဒီးနၢ််ပၢၢ််စ့ၢ််ကီးအီၤဧါ.

(၄၈)့ ပှၤတဲနတၢ််ကမၣ်် အဆၢကတီၢ််ဖဲလဲၣ််န့ၣ်် နသ့ၣ််ညါလီၤစ့ၢ််ကီးနသးဧါ.

(၄၉)့ နမၤလၢပှဲၤ နတၢ််အၢၣ််လီၤ အဆၢကတီၢ််မုၢ််နံၤစ့ၢ််ကီးဧါ.

(၅၀)့ နဒ့ၣ််နကမၢ််အိၣ်် အါအါဂီၢ််ဂီၢ််စ့ၢ််ကီး တဘျီဘျီဧါ.

(၅၁)့ နကစၢ််မၤမ့ၢ််တသ့ မ့ၢ််တဘၣ််ဘၣ််မး နဃ့ပှၤဂၤ အတၢ််မၤစၢၤဧါ.

(၅၂)့ နမ့ၢ််ပှၤလၢ အမုၢ််လၢ်တၢ်််လၢ ကန့ၢ််ခီလီတၢ််လၢ ပှၤအိၣ််တဂၤဧါ.

(၅၃)့ နမ့ၢ််ပှၤလၢ အသးအိၣ််လၢ မ့ၢ််တမ့ၢ််မ့ၢ််တဘၣ််န့ၢ်် တတူၢ််ဘၣ််တဂၤဧါ.

(၅၄)့ နမ့ၢ််ပှၤလၢ အဘံၣ််ထီၣ််အမဲာ််ဒီးပာ်ဒ့ၣ််ပာ်ကမၣ််ပှၤထံၣ််ထဲပှၤဂၤအတၢ််ကမၣ််တဂၤဧါ.

(၅၅)့ နမ့ၢ််ပှၤလၢ အပာ်ဖျါထီၣ်် တၢ််ထံၣ််တၢ််ဆိကမိၣ်် တဂၤစ့ၢ််ကိးဧါ.

(၅၆)့ နမ့ၢ််ပှၤလၢ အပဲာ််ထံနီၤဖး ပှၤဂၤသ့တဂၤဧါ.

(၅၇)့ နမ့ၢ််ပှၤလၢ ( ၀ါသနာ် ) တၢ််သးစဲ အိၣ််လၢ ဟ့ၣ််ကူၣ််ဟ့ၣ််ဖးတၢ််ဧါ.

(၅၈)့ န ( ၀ါသနာ် ) နတၢ််သးစဲ အပူၤ နန့ၢ််ဘၣ်် ကျိၣ််စ့အိၣ််တဘျီဘျီဧါ.

(၅၉)့ နအဲၣ််ဒိး နဖၠဲးန့ၢ််ပှၤကိးဂၤဒဲး တဂၤစ့ၢ််ကိးဧါ.

(၆၀)့ နဆိကမိၣ််လီၤနသးလၢ် နတၢ််သ့တၢ််ဘၣ်် နလၢ်နပှဲၤန့ၢ််ပှၤအဂၤ တဖၣ်် တဂၤဧါ.

(၆၁)့ နဖိးမံစ့ၢ််ကီးဒီး ဟံၣ််ခိၣ််ဟံၣ််ဃၢၤ ပှၤတ၀ၢစ့ၢ််ကီးဧါ.

(၆၂)့ နမၤစၢၤ မၤဘျူးဘၣ််ပှၤလၢ လီၤတံၢ််လီၤဆဲး အိၣ််တဘျီဘျီစ့ၢ််ကိးဧါ.

(၆၃)့ ပှၤတစံးဘျူးနၤဘၣ််အဃိ နသးတမုာ််တဂၤ ဘၣ််အိၣ််စ့ၢ််ကီးတဘျီဘျီဧါ.

(၆၄)့ နမ့ၢ််ပှၤလၢ အကတဲာ််ကတီၤစ့ၢ််ကီးနီၢ််ကစၢ်် တၢ််အိၣ််ဆူၣ််အိၣ််ခ့ျတဂၤဧါ.

(၆၅)့ လၢနတၢ််အီၣ််တၢ််အီအပူၤ အန့ၢ််ဂံၢ််န့ၢ််ဘါ တန့ၢ််ဂံၢ််န့ၢ််ဘါဘၣ််ဧါန့ၣ်် အိၣ််စ့ၢ််ကိးတဘျီဘျီဧါ.

(၆၆)့ နမ့ၢ််တဆူၣ််တခ့ျဘၣ််အခါ နလီကီက့ၤ နကသံၣ််ကသီပှ့ၤတဂၤဧါ.

(၆၇)့ နမၤစ့ၢ််ကီး၀ဲ တၢ််အိၣ််ဆူၣ််အိၣ််ခ့ျအတၢ််ဂဲၤလိ တခါခါစ့ၢ််ကိးဧါ.

(၆၈)့ တၢ််အီၣ််တၢ််အီလၢ နတြကၢးအီၣ််ဘၣ်် တဖၣ်် မ့ၢ််နလီကီအီၣ််အီၤ လုၢ််ကိလုၢ််ကပာ်ဧါ.

(၆၉)့ နမ့ၢ််ပှၤလၢ အအီမီာ််အအီသံး တဂၤစ့ၢ််ကီးဧါ.

(၇၀)့ နမ့ၢ််ပှၤလၢ အမၤလၢ်ာ််ဂီၤကျိၣ််စ့ တၢ််ဟဲနုာ််လၢ တၢ််ကလီကလီအပူၤတဂၤဧါ.

(၇၁)့ တၢ််လၢ နတမၤဘၣ််ဒီး အိၣ််တကဲဘၣ်် န့ၣ််အိၣ််တခါခါစ့ၢ််ကိးဧါ.

(၇၂)့ နမ့ၢ််ပှၤလၢ အသးစဲဖးလံာ််တဂၤဧါ. ( စာဖတ်၀ါသနာ)

(၇၃)့ လံာ််လၢအဂ့ၤသ့ၣ််တဖၣ််န့ၣ်် နတၢ််ထံၣ််တဖၣ််အိၣ််၀ဲဒၣ်် ခံခီယၢ််ပၤ အိၣ််စ့ၢ််ကိးတဂၤဧါ.

(၇၄)့ နမ့ၢ််ပှၤလၢ အဟ့ၣ််ဘၣ်် ဟံၣ််ဖိဃီဖိ အတၢ််ကီတၢ််ခဲ တဂၤစ့ၢ််ကီးဧါ.

(၇၅)့ နအဲၣ််ဒိးပာ််ကဖၢလၢ ပာ်ဒိၣ််နသးလၢ နမ့ၢ််ပှၤလၢအဖၠဲး ပှၤလၢအဂ့ၤ တဂၤဧါ.

(၇၆)့ နစူၢ််နနာ််တၢ််ဘူၣ််တၢ််ဘါ လီၤတံၢ််လီၤဆဲးတခါခါ လၢနတၢ််အိၣ််မူအပူၤ တဂၤစ့ၢ််ကိးဧါ.

(၇၇)့ လၢတၢ််နးတအိၣ််ဘၣ််အပူၤ နမၤတၢ််မၤအိၣ်် စ့ၢ််ကိးဧါ.

(၇၈)့ နပာ်လုၢ််ပာ်ပှ့ၤစ့ၢ််ကိး နတၢ််သကဲးပ၀း စ့ၢ််ကီးဧါ.

(၇၉)့ နမ့ၢ််ပှၤလၢ အမၤကမၣ််စ့ၢ််ကီး တၢ််ကမၣ််လၢ ပှၤတသ့ၣ််ညါနီတဂၤဘၣ်် တခါခါတဂၤဧါ.

(၈၀)့ နမ့ၢ််ပှၤလၢ အခိၣ််ကိၤလၢ ကအၢၣ််လီၤ တၢ််ကမၣ်် တဂၤဧါ.

(၈၁)့ နမ့ၢ်် ပှၤလၢ နအၢၣ််လီၤအမ့ၢ််အတီလၢ နမၤတဘၣ််ဘၣ်် နတသ့ၣ်် ညါဘၣ်် ဒူဒူဘူၣ််တဂၤစ့ၢ််ကိးဧါ.

(၈၂)့ နမ့ၢ််ပှၤလၢ ကမၤတၢ််အၢအဂီၢ်် သူၣ််တဖှံသးတညီဒီး ကၢၣ််တဂၤစ့ၢ််ကီးဧါ.

(၈၃)့ နမ့ၢ််ပှၤလၢ အမၤသူၣ််အုးသးအုးပှၤအဂၤ တဖၣ်် အါစုအါဘျီအိၣ််စ့ၢ််ကီးဧါ.

(၈၄)့ နမ့ၢ််ပှၤတဂၤလၢ ဟ့ၣ််သဆၣ််ထီၣ်် ပှၤအဂၤအခံလၢ တၢ််လဲၤထီၣ််လဲၤထီၣ်် တၢ််ဂ့ၤတၢ််၀ါအကျဲတဂၤစ့ၢ််ကီးဧါ.

(၈၅)့ လၢနဂီၢ်် မီထိၣ််လၢ နဟံးဃာ်် လူၤပိာ််ထွဲအီၤအိၣ််စ့ၢ််ကီး၀ဲ တခါခါဧါ.

(၈၆)့ လၢတၢ််ဂ့ၤ တၢ််ဘူၣ််တၢ််တီၢ်် အဂီၢ်် နသးစဲမၤအီၤတဂၤစ့ၢ််ကီးဧါ.

(၈၇)့ နမ့ၢ််ပှၤတဂၤလၢ် အကူၣ််အၢကူၣ််သီပှၤအဂၤတဖၣ််လၢ တၢ််အၢတၢ််သီအပူၤ အိၣ််တဂၤစ့ၢ််ကီးဧါ.

(၈၈)့ နဟံးန့ၢ််တၢ််ဒိတၢ််တဲာ််တၢ််ဂ့ၤတၢ််၀ါလၢ ပှၤလၢအဂၤတဂၤအိၣ်် အိၣ််စ့ၢ််ကီး၀ဲဧါ.

(၈၉)့ နမၢးနအၢနသီအဃိ ပှၤမ့ၢ််သိၣ််သီနၤန့ၣ်် မ့ၢ််နဟံန့ၢ််အီၤလၢ တၢ််သူၣ််ဂ့ၤသး၀ါအပူၤ တဂၤစ့ၢ််ကီးဧါ.

(၉၀)့ နဃုထံၣ်် ပာ်ဒ့ၣ််ပာ်ကမၢ််လီၤ နနီၢ််ကစၢ််အသးအိၣ််စ့ၢ််ကိး၀ဲ တဘျီဘျီစ့ၢ််ကီးဧါ.

(၉၁)့ နဃု ထံၣ််သ့ၣ််ညါ မၤလိ စ့ၢ််ကိး ( ဗဟုသုတ)ပီညါ စ့ၢ််ကီးဧါ.

(၉၂)့ နမ့ၢ််ပှၤတဂၤလၢ ကဘၣ််တီၣ််ထီၣ်် ပှၤအဂၤတဂၤလၢ သရၣ််န့ၣ်် မဲာ််ဆှးလီၤအသးတဂၤဧါ

(၉၃)့ နမ့ၢ််ပှၤတဂၤလၢ တပလီၢ််သူၣ််ပလီၢ််သးဘၣ်် ဒီး ယီၣ််ဘၣ််ပှၤအဂၤ သ့စ့ၢ််ကီးတဂၤဧါ.

(၉၄)့ နမ့ၢ််ပှၤတဂၤလၢ တဲဘၣ််တိဘၣ််မၤဘူးတန့ၢ််ဒီး သးဒိၣ််တဂၤဧါ.

(၉၅)့ နမ့ၢ််ပှၤတဂၤလၢ တၢ််မုၢ််လၢ််ဖီတၢၣ််အိၣ််၀ဲ တဂၤစ့ၢ််ကီးဧါ.

(၉၆)့ နမ့ၢ််ပှၤတဂၤလၢ ဃုမၤန့ၢ်် တၢ််ဘျူးတၢ််ဖှိၣ််တမံၤမံၤ တခါခါလၢနကဒိးန့ၢ််ဘၣ််အီၤ ကိးမုၢ််နံၤဒဲးဧါ.

(၉၇)့ လၢတၢ််တပလီၢ််သူၣ်် ပလီၢ််သးဘၣ််အပူၤ နဟံးန့ၢ််တၢ််ဒိတၢ််တဲာ််လၢ ပှၤအိၣ််သ့တ ဂၤစ့ၢ်် ကီးဧါ.

(၉၈)့ နမ့ၢ််ပှၤလၢ အလံၣ််အီၣ််လီအီၣ်် တၢ်် သ့တဂၤစ့ၢ််ကီးဧါ.

(၉၉)့ နမ့ၢ််ပှၤတဂၤလၢ အသးပ့းနီၣ်် တၢ််သ့စ့ၢ််ကီးဧါ.

(၁၀၀)့ နမၤစ့ၢ််ကီး နတၢ််မုၢ််လၢ်် နတၢ််တိာ််ပာ် အဖီတၢၣ််စ့ၢ််ကီးလံဧါ.

တၢ််သံကွၢ််လၢ ပကဘၣ််သံကွၢ််လီၤပသးအိၣ််၀ဲအါမးလီၤ. လၢပှၤအါဂၤအကျါ တသံကွၢ်် တနီၤပစံးဆၢအီၤန့ၢ်် ဘၣ််ဆၣ်် တၢ််သံကွၢ်် တနီၤနီၤဒု ပစံးဆၢ်သ့ဒၣ််ထဲ ပနီၢ််ကစၢ််ဒၣ််၀ဲတဂၤ ဧိၤလီၤ. ပစံးဆၢလၢ တၢ််မ့ၢ််တၢ််တီအိၣ််စ့ၢ််ကိး၀ဲ အသိး တနီၤဒု စံးဆၢလၢ တၢ််တမ့ၢ််တတီတၢ်် လံၣ််တၢ််လီအပူၤ အိၣ််စ့ၢ််ကိး၀ဲဒၣ််န့ၣ််လီၤ. မ့ၢ််တၢ််သံကွၢ််တဖၣ််လၢ နကဘၣ်် သမံသမိးလီၤ နနီၢ််ကစၢ််အသးအလိၤ စံးဆၢအီၤလၢ တၢ််မ့ၢ််တၢ််တီဒူဒူအပူၤတက့ၢ််.

တၢ််သံကွၢ််တနီၤအကျါန့ၣ်် ပကစံးဆၢအီၤမ့ၢ်် တနီၤန့ၣ်် ပကစံးဆၢအီၤတမ့ၢ််ဘၣ်် အိၣ််၀ဲဒၣ်် စ့ၢ််ကီးလီၤ. ဘၣ််ဆၣ််နက ဘၣ််သ့ၣ််ညါ တၢ််စံးဆၢအဆၢဒ်လဲၣ််တကလုာ််လၢ ြကၢးလၢန လိၣ််ဘၣ််အီၤလဲၣ််န့ၣ််လီၤ. တၢ််လၢနလိၣ်် တၢ််လၢ အဘျူးအိၣ််န့ၣ်် နနီၤဖးအီၤကသ့၀ဲဒၣ််န့ၣ်် လီၤ. လိၣ််ဒံး၀ဲဧါ လၢ်ပှဲၤ၀ဲလံ လိၣ််ဒံး၀ဲ ဖဲလဲၣ််တလိာ််လဲ ယြကၢ်းမၤဂ့ၤထီၣ်် မၤလၢပှဲၤ ထီၣ်် အိၣ််ဒံး၀ဲ စံးအါလဲၣ်် န့ၣ်် နကထံၣ််သ့ၣ််ညါလီၤနသးထံထံဆးဆးန့ၣ််လီၤ.

တၢ််လၢ အတဂ့ၤဘၣ််တဖၣ်် ပကဘၣ်် ဂုာ််ကျဲးစၢးဟးဆှဲးအီၤလီၤ. ယမ့ၢ််ပှၤအအၢဧါ ,ယမ့ၢ်် ပှၤအဂ့ၤတဂၤဧါ, ယမ့ၢ််ပှၤအဖၠဲးတဂၤဧါ, န့ၣ်် ပမ့ၢ််အိၣ််ဒံးန့ၢ််န့ၣ်် ပတသ့ၣ််ညါလီၤက့ၤ ပသး ဘၣ်် ပမ့ၢ်် ထုးထီၣ််တၢ််သံကွၢ််ဒီး ဂုာ််ကျဲးစၢး စံးဆၢအီၤမၣ်် ပကထံၣ််ဘၣ််၀ဲဒၣ်် တၢ််မိၢ််လံၤမိၢ််ပှၢ်် ဖဲန့ၣ််လီၤ. ယဖၠဲးဖဲလဲၣ််,ယဘၣ််ဟးဆှဲးဖဲလဲၣ််, ယဂ့ၤဖဲလဲၣ််, ယအၢဖဲလဲၣ်် န့ၣ််နသ့ၣ််ညါလီၤ ဘၣ်် ထံထံဆးဆးန့ၣ််လီၤ. ပမ့ၢ််ဆိကမိၣ််ဒၣ်် မုၢ််ဆ့ၣ််မုၢ််ဂီၤဖိန့ၣ်် နကသ့ၣ််ညါဘၣ််နသးလၢ ယ ဂ့ၤလီၤ တအၢထဲန့ၢ််ဘၣ်် န့ၣ််လီၤ.

ပှၤလၢ အစံးလီၤအသးလၢ အအိၣ််ဆူၣ််အိၣ််ခ့ျတဂၤန့ၣ်် တုၤမ့ၢ်် ကသံၣ််သရၣ််မ့ၢ််မၤကွၢ်် အီၤ တဘျီန့ၣ်် ထံၣ််ဘၣ််၀ဲလၢ အကိပူၤ တၢ််ကသါထီၣ််ကသါလီၤချံ လၢဆံၣ်် အပူၤ ( ယၤအဲၣ်် စ့ၣ်် အိၣ််အါ၀ဲ) သးသွံၣ််ကျိၤအံၣ်် ဃံအသိးစှၤ၀ဲ / မဲာ််ချံတဆး အါအါဘၣ််/ နၢ််ကလ့ၢ်တဂ့ၤအါအါ ဘၣ်် ဒီးဂုာ််ဃံတဘိ အဲးထီၣ််အသး တၢ််စံးသ့ၣ််တဖၣ်် အိၣ််ဖျါထီၣ််၀ဲဒၣ််န့ၣ််လီၤ. တမံနီၤလၢ လီၢ််မံပူၤ ဘၣ််ဆၣ််သနၣ််က့ တၢ််ဆါသ့ၣ််တဖၣ််န့ၣ််ပမ့ၢ်် တကူဆါယါဘျါအီၤခ့ျခ့ျဒံးဒံးဘၣ််န့ၣ်် လၢခံ ကနးန့ၢ်် ဒံး၀ဲဒၣ််အလီၢ််န့ၣ််လီၤ.

ပှၤအဂၤ တကယၤအကျါ ခွံဆံခွံဂၤအကျါန့ၣ်် စံးလီၤအသးလၢ အမ့ၢ်် ပှၤအဂ့ၤ အမ့ၢ််ပှၤ လၢ အဖၠဲးလီၤ. ပမ့ၢ််ထုးထီၣ်် တၢ််သံကွၢ်် သပှၢ််ကတၢၢ််န့ၣ်် ပကထံၣ််ဘၣ််၀ဲ တၢ််ဂံၢ််စၢ်် တၢ််ဂံၢ်် ဆူၣ််ဖဲန့ၣ််လီၤတံၢ််လီၤဆဲးလီၤ.

အဒိ-တၢ််သးစွံကတုာ််တအိၣ််ဘၣ််, တၢ််ပီၢ််ယၢ််လီၤက့ၤသးတအိၣ််, သ့ၣ််တဖၣ်် နကကဲထီၣ််ပှၤ ကညီတဂၤအဂီၢ်် မ့ၢ််ဒၣ်် နဒဲးလီၤကွံာ်် တၢ််စိးလၢ နကကဲထီၣ်် ပှၤအဂ့ၤတဂၤအဂီၢ််လီၤ. တၢ်် ကမၣ်် မ့ၢ််အိၣ်် တကထိမၣ်် ပှၤတၢ််ကမၣ််အိၣ််တမ့ၢ််ဘၣ်် တၢ််သံကွၢ််ခဲလာ််န့ၣ််န မ့ၢ််ဟ့ၣ််တၢ််စံး ဆၢ လၢ တလိၣ််ဘၣ််သ့ၣ််တဖၣ််န့ၣ်် တလိၣ််နအိၣ််မူလၢၤဘၣ််.

ပှၤကညီသ့ၣ််တဖၣ််န့ၣ်် တမ့ၢ််အအၢခဲလၢာ််ဘၣ်် တၢ််သံကွၢ််အိၣ််မး တၢ််စံးဆၢ အိၣ််၀ဲဒၣ်် စ့ၢ််ကီး လီၤ. ပမ့ၢ််စံးဆၢမး ပကသ့ၣ်် ညါဘၣ်် တၢ််ဆၢန့ၣ််လီၤ.

ပဆိကမိၣ််လီၤပသးလၢ ယၤယဂ့ၤလံြကၢးလံ ဘၣ််ဆၣ်် ပမ့ၢ်် သမံသမိးကွၢ််ပသးမး ပကထံၣ်် လီၤ ပသးအီၤတဂ့ၤဒံးဘၣ်် တဘၣ််ဒံးဘၣ်် န့ၣ််လီၤ. ပမ့ၢ််တဂ့ၤလၢပှဲၤလၢာ််လၢာ််စ့စ့ဘၣ််ဆၣ်် ပတဘၣ်် သးဟးဂီၤဘၣ််. ပကသမံသမိး ကွၢ််ဒီးဂုာ်် ကျဲးစၢးမၤဂ့ၤထီၣ််အီၤ, မဟါယမ့မ့ၢ်် ပှၤ လၢ တကျိးတကျးဘၣ််ဆၣ်် ခဲမုၢ််ဆ့ၣ််ယကမ့ၢ််ပှၤလၢအဖၠဲး ပကဘၣ််ဂုာ််ကျဲးစၢး ပာ်ပသးဒံး န့ၣ််လီၤ.

လၣ််သမံၤ (ဘၣ််တၢ််ကျိာ််ထံက့ၤအီၤလၢ - နီၢ််ဆှုၣ််၀ါ (ေနာ်ေရွှ၀ါး) - ကညီကီၢ််စဲၣ််)

http://www.kashee.net/2012/09/blog-post.html

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

ဒုၣ်​​ဒါ(BGF)တၢ်​ဟူး​တၢ်​ဂဲၤ​က​စီၣ်

Wednesday, August 29, 2012

လၢ - လူၤသီဖီဒ့

ဒုၣ်​​ဒါ(BGF)တၢ်​ဟူး​တၢ်​ဂဲၤ​က​စီၣ်

ဒုၣ်​ဒါ​သုး​ခိး​ကီၢ်​ဆၢ​သုး​ရ့ၣ်​၁၀၁၃​ ​အ​ပှၤ​သုး​ဒ့(​၂)ခိၣ်​မီၤ​မၠိ​မၠ့ၣ်​ဖဲ​ ​၁၆.​၈.​၁၂​ ​နံၤ​ကိး​ထံၣ်​လိာ်​ဝဲ​သ​ဝီ​သး​ပှၢ်​လၢ​အ​မ့ၢ်​မဲး​က​နီ,​တ​ရ့ၢ်​ခံ,​ကၠီ​ပါ​တ​ပိၢ်​ပူၤ,​ကၠီ​ပါ​မ​ကွံၢ်​ခိၣ်,​ကၠီ​ပါ​ကီး​ခိၣ်​ ​ဒီး​ဃ့​ဝဲ​က​မျၢၢ်​ဂံၢ်​ဘါ​လၢ​တ​နံၤ​က​ဘၣ်​ရဲၣ်​ကျဲၤ​ပျဲ​လီၤ​န့ၢ်​အီၤ(ဆက်​သား)ခံ​ဂၤ​လၢ​က​ဘၣ်​လဲၤ​ခိး​တၢ်​ဝံ​ဖဲ​တ​ရံၣ်​ထၣ်​,တၢ်​လိၣ်​မ့ၢ်​အိၣ်​ထီၣ်​က​မၢ​ဝဲ​ဝံ​စိာ်​တီ​ဆှၢ​တၢ်အ​ဂီၢ်​န့ၣ်​လီၤ​.

သုး​ခိး​ကီၢ်​ဆၢ​သုး​ရ့ၣ်​ ​၁၀၁၃​ ​သုး​ဆှ့ၣ်​ခိၣ်​မံၤ(မီၤ​ဒိ​နါ)ဟံ​န့ၢ်​ဝဲ(ခီ​ပ​နံၣ်)လၢ​အ​သူၣ်​ထီၣ်​န့ၢ်BGF​ ​တၢ်​လီၢ်​ဖဲ​က​တၢ​တံး​ဒီး​နိၣ်​ဖီ​ထံ​ဘၢၣ်​စၢၤ​ဖဲ​ ​၁၇.​၈.​၂၀၁၂​ ​နံၤဟုၣ်​အီၣ်​ဝဲ​ကီၤ​လၤ​သူ​အ​ကျီၢ်​ဖါ​တဒု​အ​ပှ့ၤ​လီၤ​လၢ​စ့​ပ​ယီၤ​

(​၁၈၀,၀၀၀)​ကၠး,​တ​နံၤ​ဃီ​ဖဲ​မုၢ်​နၤ​ခီ​အီၣ်​ဟုၣ်​က​ဒီး​ဝဲ​ကီၤ​လၤ​သူ​မဲာ်​တဲး​လဲး​တ​ဒု​အ​ပှ့ၤ​လီၤ​လၢ(​၄၀,၀၀၀)​ကၠး​ပှၤ​လၢ​တၢ်​အီၣ်​ဟုၣ်​အ​တၢ်​ဖိ​တၢ်​လံၤ​ခံ​ဂၤ​အ​မံၤ​မ့ၢ်​ဝဲ​ (​အံၤ​စၤဒီး​နီၢ်​မၤ​ရံ​မၣ်​)န့ၣ်​လီၤ​.

ံၤဖဲ​ ​၂၃.​၈.​၂၀၁၂​ ​နံၤ​ BGF​ ​၁၀၁၃​ အပှၤ​စီၤ​ညိၣ်​လွ့ၤ​တ​ဂၤ​ခီ​ဖျိ​ထံၣ်​ဝဲ​လၢ​အ​ခိၣ်နၢ်​မၤ​တၢ်​အံၤ​ဘၣ်​ဒိ​ဝဲ​ပှၤ​က​ညီ​ဖိ​အ​တၢ်​ခွဲး​တၢ်​ယာ်​အ​ဃိ​ဟဲ​ဃ့ၢ်​ထီၣ်​က့ၤ​ဝဲ​ဆူ​ KNLA​ ​သုး​က့(​၅)​ ​သုး​ရ့ၣ်​​ ၁၀၂​ ​သုး​ဒ့(​၃)​ ​အ​ကျါ​,စိာ်​ဃုာ်​ဝဲ​ဒီး​စု​က​ဝဲၤ​ (M.79​ ​တ​ခိၣ်,​ပာ်​ဃုာ်​အ​ချံ​ ​၁၆​ ​ဖျၢၣ်,​ AR.​တ​ခိၣ်​အ​ချံ​ ​၁၆​ ​ဖျၢၣ်,​ခါ​ဘဲ​တ​ခိၣ်​အ​ချံ​ ​၁၃​ ​ဖျၢၣ်)​န့ၣ်​လီၤ.​ပှၤ​ဝဲ​အံၤ​တၢ်​တူၢ်​လိာ်​ကွၢ်​ထွဲ​အီၤ​ဂ့ၤ​ဂ့ၤဒ်​အ​နီၢ်​က​စၢ်​တၢ်​ဘၣ်​သး​အိၣ်​လၢ​က​ကဲ​က့ၤ​က​မျၢၢ်​ဖိ​တ​ဂၤ​အ​သိး​တၢ်​က​ရဲၣ်​ကျဲၤ​န့ၢ်​အီၤ​လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

နီၢ်မုၢ်လၢၢ် အိၣ်​ခူ​သူၣ်​ဝဲ ​၁၂​ နံၣ် အဂ့ၢ်ဖုၣ်ကိာ်

Sunday, August 19, 2012

လၢ - လူၤသီဖီဒ့

တ ​ဘျီ​တ​ခီၣ်​ဖဲ​ပတၢ်​အိၣ်​မူ​အ​ပူၤတၢ်​ဂ့ၢ်​တၢ်​ကျိၤ​လၢ​ ​အ​ရ့​ဒိၣ်,​လီၤ​လိၣ်​လီၤ​လး ​ဒီး​ပှၤ​အါ​ဂၤ​ြကၢး​သ့ၣ်​ညါ​ဝဲ​တ​ဖၣ်​အိၣ်​လီၤ​မၢ်​ကွံၢ်,​အိၣ်​လီၤ​တဲာ်​ ကွံာ်,​ပှၤ​သါ​ပ့ၤ​နီၣ်​အီၤ​ဒီး​အိၣ်​ခူ​သူၣ်​ကွံာ်​ဝဲ​အိၣ်​အါ​မး​န့ၣ်​လီၤ ​.အ​ဃိ​န့ၣ်​ဒီး​ဆၢ​က​တီၢ်​ခဲ​အံၤ​ဖဲ​ယ​တၢ်​အိၣ်​မူ​တၢ်​လဲၤ​ခီ​ဖျိ​အ​နံၣ်​ လွံၢ်​ဆံ​ဘျဲၣ်​အ​ပူၤ​တၢ်​ဂ့ၢ်​လၢ​အိၣ်​ခူ​သူၣ်​ကွံာ်​ဝဲ​လၢ​အ​ပူၤ​ကွံာ်​အ​ နံၣ်​တ​ဆံ​ဘျဲၣ်​တ့ၢ်​လံ​အ​ခါ​ယ​သ့ၣ်​နီၣ်​ထီၣ်​ဒီး​ယ​မၤ​လီၤ​တံၢ်​က့ၤ​အီၤ​ ဝံၤ​ယ​ပာ်​ဖျါ​ထီၣ်ဒ်​သိး​က​ညီ​ဖိ​ကိး​ဂၤ​ဒီး​ပှၤ​အါ​ဂၤ​က​သ့ၣ်​ညါ​ဝဲ​အ​ ဂီၢ်​န့ၣ်​လီၤ​တၢ်​ဂ့ၢ်​တခီ​က​မ့ၢ်​ဝဲ​ပိာ်​မုၣ်​ဖိ​တ​ဂၤ​အ​တၢ်​လဲၤ​ခီ​ဖျိ​ လၢ​တၢ်​နး​တၢ်​ဖှီၣ်​အ​ပူၤန့ၣ်​လီၤ.

အမံၤမ့ၢ်ဝဲ“နီၢ်မုၣ်လၢၢ်”အိၣ်ဖျဲၣ်ထီၣ်ဖဲ၁၉၉၄နံၣ်ထိၣ်ကံၣ်သဝီ,ဖျးခိၣ်ကရူၢ်,လူၤသီကီၢ်ဆၣ်,ကီၢ်ရ့ၣ်မုာ်ြတီၤအပူၤ န့ၣ်လီၤ.အဒီပုၢ်၀ဲၢ်အိၣ်၀ဲဃုဂၤအ ကျါအ၀ဲမ့ၢ်ပိာ်မုၣ် ၀ဲၢ်ကိတဂၤန့ၣ်လီၤ.

ဟီၣ်က၀ီၤပူၤတၢ်ဒုးတၢ်ယၤဆူၣ်၀ဲအဃိနီၢ်မုၣ်လၢၢ်မၤလိဘၣ်တၢ်တုၤဖဲတီၤခီၣ်ထံးအပတီၢ်ဒီးဘၣ်ဟးထီၣ် ကွံာ်၀ဲလၢတၢ်မၤလိအပူၤဒီးဘၣ်မၤစၢၤက့ၤအမိၢ်အပၢ်လၢဟံၣ်ဃီအပူၤန့ၣ်လီၤ​. ၂၀၀၁ နံၣ်ဖျး ခိၣ်သ၀ီ ဟီၣ်က၀ီၤမီလိာ်ကျိတၢ်လီၢ်ဖဲခုးကျါ,သ၀ီဖိအါဂၤကျီသကိးနီၣ်အဆၢတီၢ်ပယီၤသုး အိၣ်လၢ ဖျးခိၣ်သုး ကလၢၤတဖုဟဲက၀ီၤပှၤကျီနီၣ်တဖၣ် ဒီးခးဖှိၣ်၀ဲတဘျီ ဃီန့ၣ် လီၤ. ပှၤအါဂၤ ဒီးနီၢ်မုၣ်လၢၢ် သ့ၣ်တ ဖၣ်ဃ့ၢ်ပူၤဖျဲးကွံာ်အသး ဘၣ်ဆၣ် ပှၤဘၣ်ဒိ၀ဲတဂၤ ပိာ်မုၣ် ဒီး ပှၤသံ၀ဲခံဂၤ ပိာ်မုၣ်န့ၣ် လီၤ. မ့ၢ်၀ဲနီၢ်မုၣ်လၢၢ်အတၢ်လဲၤခီဖျိတၢတဘျီန့ၣ်လီၤ.

ဆူမဲာ်ညါတနံၣ်၂၀၀၂နံၣ်ပှၤကူးဘုဆၢကတီၢ်ပယီၤသုးကျိၤတဘိဟဲထံၣ်ဝဲပှၤကူးဘုဒီးခးဝဲအဃိနီၢ်မုၣ်လၢၢ် ဘၣ်ဒိဝဲဒီးဃ့ၢ်ပူၤ ဖျဲးဝဲအသးန့ၣ်လီၤ. ဘၣ်ဆၣ်အပိာ်ခွါသံတ့ၢ်ဝဲ တဂၤမ့ၢ် ဝဲတံၢ်သူဒၢသဝီဖိန့ၣ်လီၤ. ဖဲပယီၤခး အီၤသၢဘျီ တဘျီအခါ အဝဲလဲၤဃုအီၣ်ဘု ပာ်ဃုာ်အပါ, အဖါတံၢ်ခံဂၤခဲလၢာ်ပှၤလွံၢ်ဂၤန့ၣ်လီၤ. ဖဲအဝဲသ့ၣ် လဲၤတုၤဝဲဖဲသဒါဒၢဟီၣ်ကဝီၤပှၤတလ့ဒ့အဆၢကတီၢ်ပယီၤသုးကျိၤတ ဘိအိၣ်ခိးဒီးခးအဝဲသ့ၣ်န့ၣ်လီၤ. ဖဲန့ၣ်နီၢ်မုၣ်လၢၢ် ဘၣ်ဒိဝဲဒီး ဃ့ၢ်ပူၤဖျဲးကွံာ်အသးန့ၢ်ဝဲဘၣ်ဆၣ်အပၢ်ဒီးအဖါတံၢ်ခံဂၤအံၤသံတ့ၢ်ကွံာ်ဖဲပှၤတ လ့ဒ့န့ၣ်လီၤ. ဖဲပယီၤခးအဝဲသ့ၣ်အခါတၢ်ဆၢကတီၢ်မ့ၢ်ဝဲဖဲ​ လါမးဂှး၂၁​ သီဖဲ​ ​ ၂၀၀၇​ နံၣ်န့ၣ်လီၤ.

နီၣ်မုၣ်လၢၢ်အတၢ်လဲၤခီဖျိအဖီခိၣ်အဝဲသးဆါပယီၤတုၤဒၣ်လဲာ်အဲၣ်ဒိးကဲထီၣ်ပိာ်ခွါဖီၣ်ထီၣ်စုကဝဲၤဒီးဒုး ဆၢပယီၤသုးန့ၣ်လီၤ. ဘၣ်ဆၣ်ဒ်အမ့ၢ်ဖိမုၣ် ဝဲၢ်ကိတဂၤအသိး ကဘၣ်မၤစၢၤ ဝဲအမိၢ်ဒီးအပုၢ်ယဲၢ်ဂၤန့ၣ်လီၤ.

မ့မ့ၢ်အမိၢ်တခီစံးဝဲလၢပယီၤခးယဝၤဒီးယဖိမုၣ်သၢဘျီလၢာ်ယနၢ်ဟူဒီးယသးကိၢ်ဒိၣ်မးလီၤ.ဖဲအပူၤကွံာ်ခံဘျီ ယထံၣ်ဘၣ်က့ၤအဝဲ သ့ၣ်ဘၣ်ဆၣ် အလီၢ်ခံကတၢၢ် တဘျီဒုယထံၣ်က့ၤ ဒၣ်ထဲလၢ ယဖိမုၣ်တဂၤန့ၣ် လီၤ.ဆၢကတီၢ်ခဲအံၤယဖိမုၣ်ဘၣ်ဟးအိၣ်ဒီးပှၤဂၤန့ၣ်လီၤ.ကျိၣ်စ့ မ့ၢ်န့ၢ်တဒိၣ်တ ဆံးဒီးဆှၢမၤစၢၤ က့ၤဝဲအပုၢ်သ့ၣ်တဖၣ်အဂီၢ်န့ၣ်လီၤ.

နီၢ်မုၣ်လၢၢ်ခဲအံၤသးနံၣ်အိၣ်ဝဲ၁၈နံၣ်အတၢ်အိၣ်မူပူၤပယီၤသုးခးအီၤသၢဘျီဘၣ်ဒိဝဲခံဘျီပယီၤခးအီၤတၢတ ဘျီအခါအသးနံၣ်ကအိၣ်ဒံးဝဲ ထဲလဲၣ်ပဒွးက့ၤသ့ဝဲစ့ၢ်ကီးန့ၣ်လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ

(BGF) ၁၀၁၄​ အ​တၢ်​ဟူး​တၢ်​ဂဲၤ​ပိာ်​ထွဲ​က​စီၣ်

လၢ - လူၤသီဖီဒ့

(BGF)​ ၁၀၁၄​ ​ဘၣ်​တၢ်​တီ​ခိၣ်​ရိၣ်​မဲ​အီၤ​လၢ​မီၤ​ခၠံၣ်​ဟဲနုာ်​လီၤ​ဖဲ​ပှၤ​အိၣ်​တၢ်​လီၢ်(မဲ ​စ့း) ဒီးဘၣ် သဂၢၢ်ခးလိာ်သးဒီး ပပှၤဖဲ ၅.၈.၁၂ နံၤခီဖျိအဝဲသ့ၣ်တူၢ်ဘၣ်ဝဲ တၢ်သံတၢ်ပှၢ်ဒီး စုကဝဲၤဂှူကွံာ် ဝဲတနီၤအဖီခိၣ်အဝဲသ့ၣ်အခိၣ်အနၢ်တၢ်ဖီခိၣ်အသးတမံဘၣ်ဒီး ဖဲ ၁၆.၈.၁၂နံၤ ဆှၢအါထီၣ်ဝဲ အပှၤဒီးနုာ်လီၤဝဲမဲၤြပံးတဒူၣ်ဂံၢ် ဘါခဲလၢာ် ၃၀ ဂၤ,မဲးလါထၣ်တဒူၣ်ဂံၢ်ဘါခဲလၢာ် ၃၀ ဂၤ န့ၣ်လီၤ.မ့မ့ၢ်အိၣ်ဆီလီၤအသးဖဲမဲးစ့းတဒူၣ်ကတ့ထီၣ်ဝဲအ သုးကလၢၤ(စခန်း)အဃိ,ဖဲ ၁၇.၈.၁၂ နံၤကူၣ်လီၤဝဲမျၢၢ်အတၢ်ထူၣ်တၢ်ဘိလၢအမ့ၢ်(ဃီၤသၣ်ထူၣ်)လၢက မၤထီၣ်ဝဲအ(ဖုတ်)အဂီၢ်န့ၣ်လီၤ.

ခဲ ​အံၤ​ပက​မျၢၢ်​လၢ​အိၣ်​မဲ​စ့း​တ​ဖၣ်​ဘၣ်​ကွၢ်​ဆၢၢ်​မဲာ်​ဝဲ​တၢ်​ပျံၤ​တၢ်​ ဖုး​ခီ​ဖျိ(BGF)​သုး​တ​ဖၣ်​ဟဲ​ဆီ​လီၤ​သး​ဒီး​မၤ​ဟး​ဂီၤ​ဝဲ​တၢ်​မုၢ်​တၢ်​ဘိ​ လၢ​တ​ဟ့ၣ်​ဝဲ​အ​ပှ့ၤ​က​လံၤ​တ​ဖၣ်​န့ၣ်​လီၤ​.BGF​ ​၁၀၁၄​​ ​သုး​ခိၣ်​မီၤ​တ့ၤ​ဝ့​ဆီ​လီၤ​ဝဲ​အ​ပှၤ​ဖဲ(​တ​အ့​ဆှ့​လူၢ်)​တ​ဒူၣ်​လၢ​က​ခိး​ ထၢ​အီၣ်​ဝဲ​စ့​လၢ​ပှၤ​လီၤ​ဟုၣ်​သ့ၣ်​ထိ​ဖိ​တဖၣ်​အ​အိၣ်​န့ၣ်​လီၤ.​ဖဲ​ ​၁၇.​၈.​၁၂​ ​နံၤ(BGF​)​ ​၁၀၁၄​ ​မီၤ​တ့ၤ​ဝ့​ခး​လီၤ​ဝဲ​ကျိ​ဒိၣ်(81​မ​မ)လၢ​ပ​ပှၤ​ ​ KNLA​ ​အိၣ်​တၢ်​လီၢ်​တီၤ​ကၠါ​သၢ​ဖျၢၣ်,​၁၈.၈.​၁၂​ ​နံၤခး​က​ဒီး​ဝဲ​သၢ​ဖျၢၣ်​အ​တၢ်​ပ​ညိၣ်​အိၣ်​ဝဲ​လၢ​ပ​ပှၤ​( KNLA)​ ​အိၣ်​ဆီ​လီၤ​အ​လီၢ်​အံၤ​က​ခး​ဂှဲ​ဝဲ​ဒီး​ကျိဒိၣ်​န့ၣ်​လီၤ​.BGF​ ​တပ်​နယ်မှူးစိုး​နိုင်​ ​နဲၣ်လီၤ​ဝဲ​မီၤ​ခၠံၣ်​လၢ​တၢ်​လီၢ်​လၢ​နုာ်​လီၤ​အိၣ်​ဝဲ​ဒူ​သ​ဝီ​ပူၤ​ခဲ​အံၤ ​တ​ဖၣ်​က​ဘၣ်​တ့​ထီၣ်​အ(​စ​ခန်း)​ခဲ​လၢာ်​တ​ဘၣ်​ဂုၤ​က့ၤ​အ​ခံ​လ့ၤ​တ​က့ၤ​ဘၣ် ​န့ၣ်​လီၤ​.

တ ​က​တီၢ်​ဃီ​ BGF​ ​နုာ်​လီၤ​အိၣ်​သ​ဝီ​ပူၤ​အ​ဃိ​က​မျၢၢ်​ဃ့ၢ်​ထီၣ်​ကွံာ်​န့ၣ်​လီၤ. BGF​ ​၁၀၁၄​ ​လၢ​ဘၣ်​တၢ်​တီ​ခိၣ်​ရိၣ်​မဲ​အီၤ​လၢ​မီၤ​ခၠံၣ်​ဒီး​မီၤ​တ့ၤ​ဝ့​တ​ဖၣ်​နုာ်​ လီၤ​အိၣ်​ဝဲ​မဲ​စ့း​သ​ဝီ​ပူၤ​ခီ​ဖျိ​မၤ​ပျံၤ​မၤ​ဖုး​ပ​က​မျၢၢ်,​မၢ​အီၣ်​ပ​က ​မျၢၢ်​အ​ဃိ​မဲ​စ့း​သ​ဝီ​က​မျၢၢ်​တ​ဖၣ်​ဟး​ထီၣ်​ကွံာ်ဃ့ၢ်​အိၣ်​က့ၤ​ဆူ​တၢ်​ လီၢ်​အ​ဂၤ​ဘူး​က​လၢာ်​ဃၣ်​ဃၣ်​အိၣ်​တ့ၢ်​က့ၤ​ဒၣ်​ထဲ​ဒၢး​ခံ​ဖျၢၣ်ဧိၤ​န့ၣ်​ လီၤ​.

မ့ ​မ့ၢ်​သ​ဝီ​မဲး​လါ​တ​ဖျၢၣ်​ဘၣ်​ယိာ်​ပျံၤ​ဝဲ​လၢ(BGF)​သုး​တ​ဖၣ်​က​မၢ​အီၣ် ​အ​ဝဲ​သ့ၣ်​လၢ​တ့​ထီၣ်​စၢၤ​အီၤ​အ(​စခန်း)​အ​ဃိ​အဲၣ်​ဒိး​ဃ့ၢ်​အိၣ်​ကွံာ်​ဆူ ​သ​ဝီ​အ​ဂၤ​ဘၣ်​ဆၣ်​ (BGF)​ ​သုး​တ​ဖၣ်​ခိး​တံၢ်​က​ဝီၤ​တံၢ်​အီၤ​အ​မဲာ်​ညါ​တ​ဟ့ၣ်​ဝဲ​အ​ခွဲး​လၢ​တ​ဘၣ်​ ဟး​ထီၣ်​ဆူ​တၢ်​ချၢ​ဘၣ်​န့ၣ်​လီၤ.

အဲၣ်ဒိးဖးအလၢအပှဲၤ | ဟ့ၣ်ခီၣ်မဲၣ်လီၢ်ဖဲအံၤ