ကီၢ်ရ့ၣ်မုာ်ြတီၤ သုးက့ နီၣ်ဂံၢ် ၅ အတၢ်ပာ်သး ဖဲတၢ်ပတုာ်တၢ်ခး၀ံၤအလီၢ်ခံ

ဆၢကတီၢ်ခဲအံၤ K N U ခိၣ်နၢ်ဒီး ပယီၤပဒိၣ်ထံၣ်လိာ်စံးကတိၤသကိးဝဲတၢ်ပတုာ်တၢ်ခးအဂ့ၢ်လၢက

သူၣ်ထီၣ်ဝဲတၢ်မုၣ်တၢ်ခုၣ်အဂီၢ်ဘၣ်အဖၢဒံးလီၤ.တမၤန့ၢ်ဒံးတၢ်အၢၣ်လီၤအီလီၤလၢတၢ်ပတုာ်တၢ်ခးအဂၢၢ်အကျၢၤအဂီၢ်တအိၣ်ဒံးဘၣ်ဒၣ်လဲၣ်န့ၣ်လီၤ.ခံခီခံကပၤအဘၢၣ်စၢၤသူၣ်ထီၣ်ဝဲတၢ်နာ်န့ၢ်လိာ်

သးတန့ၢ်လီၤတံၢ်လီၤဆဲးဒံးဘၣ်ဒီးသူၣ်ထီၣ်တၢ်မုာ်တၢ်ခုၣ်အနီၣ်အသံးတန့ၢ်ဘၣ်အဃိ -

၁.ပယီၤပဒိၣ်ကဟဲမၤဝဲတၢ်ကူၣ်ဘၣ်ကူၣ်သ့အတၢ်ရဲၣ်တၢ်ကျဲၤ လၢအကွၢ်ကပာ်ကွံာ် ကညီဖိ အလံာ် အလဲၢ် ကညီဖိအတၢ်စံၣ်စိၤတဲစိၤ ကညီဖိအလုၢ်လၢ်ထူသနူတၢ်ဆဲးတၢ်လၤဒီး ကညီဖိအထံ ရူၢ် ကီၢ် သဲးအတၢ်မုၢ်လၢ်ကွၢ်စိတဖၣ်န့ၣ်ပတူၢ်လိာ်အီၤတသ့ဘၣ်ဒီး ပတၢ်ရဲၣ်တၢ် ကျဲၤ အိၣ် ပာ်တ့ၢ်လံ ဘၣ် ဃးတၢ်ကူၣ်ဘၣ်ကူၣ်သ့အံၤန့ၣ်လီၤ.

၂.ပယီၤပဒိၣ်ကမၤဝဲမုၢ်ကျိၤဝဲၤကွာ်အတၢ်ဂုၤထီၣ်ပသီထီၣ် လၢကဘၣ်ဒိက့ၤကညီဖိပှၤ ထူလံၤ ဖိ ပှၤပၢၤမုၢ်ဖိတဖၣ်အတၢ်အိၣ်ဆိးအတၢ်ဖံးအီၣ်မၤအီၣ်အလီၢ်အကျဲဒီး အတၢ်န့ၢ်သါပၢဘၣ် ဟီၣ်ခိၣ် က ပံာ် အတၢ်ခွဲးတၢ်ယာ်တဖၣ်န့ၣ်ပတူၢ်လိာ်အီၤတသ့ဒံးဘၣ်.

၃.ပဟီၣ်ကဝီၤပူၤ ဟီၣ်ခိၣ်သဘ့ျ ဟီၣ်ခိၣ်လီၤဃီ ဟီၣ်ခိၣ်လၢတၢ်တပၢဘၣ်အီၤလၢ ပှၤပၢၤမုၢ်ဖိပှၤထူ

လံၤဖိဘၣ်န့ၣ် တအိၣ်ဘၣ်အဃိ တၢ်ဟဲထိၣ်အီၤပတအဲၣ်ဘၣ်.စံာ်/ကျီး/ကရၢၢ်တဖၣ်စ့ၢ်ကီး တၢ် ဟဲ ထိၣ်အီၤပတအဲၣ်ဘၣ် ခီဖျိလၢအလံာ်ြကၢ် အိၣ်ပာ်စၢၤလံလၢပအိၣ်တကပၤအဃိန့ၣ်လီၤ.

၄.ဘၣ်ဃးဒီးထံဖိကီၢ်ဖိတၢ်ပာ်ပနီၣ်အီၤအလံာ် (မှတ်ပံုတင်)န့ၣ် (federal) ပဒိၣ်မ့ၢ်အိၣ်ထီၣ်မးပက ဒိအီၤအဃိ ဆၢကတီၢ်ခဲအံၤပယီၤပဒိၣ်ကဟဲသူၣ်ထီၣ်အဝဲၤဒၢး လၢပဟီၣ်ကဝီၤပူၤဒီ်း မၤန့ၣ်ပှၤ (မှတ်ပံုတင်) န့ၣ်ပတူၢ်လိာ်တသ့ဒံးဘၣ်.

၅.ပကီၢ်ရ့ၣ်သုးက့ဟီၣ်ကဝီၤပူၤ ပအိၣ်တ့ၢ်လံဒီးတၢ်အိၣ်ဆူၣ်အိၣ်ခ့ျ တၢ်ရဲၣ်တၢ်ကျဲၤ လၢအမ့ၢ် တၢ်ဟ့ၣ်ကသံၣ်ဒၢးဟီၣ်ကဝီၤတဖၣ်ဒီး ထၢၣ်ဝံချၢတၢ်အိၣ်ဆူၣ် အိၣ်ခ့ျတၢ် ရဲၣ်တၢ်ကျဲၤအဟီၣ် ကဝီၤတဖၣ်အဃိ ပဟ့ၣ်အခွဲးလၢပယီၤပဒိၣ်ကဟဲမၤအါထီၣ် တၢ်ရဲၣ်တၢ်ကျဲၤအလီၢ်တအိၣ်ဒံး

ဘၣ်န့ၣ်လီၤ.

၆.မ့မ့ၢ်တၢ်ကူၣ်ဘၣ်ကူၣ်သ့ကၠိဒီး တၢ်အိၣ်ဆူၣ်အိၣ်ခ့ျအလီၢ်လၢ ပယီၤပဒိၣ်မၤပာ်စၢၤတ့ၢ်လံဝဲလၢ ပဟီၣ်ကဝီၤပူၤတဖၣ် ကမ့ၢ်ဝဲတၢ်အိၣ်သးတစိၢ်တလီၢ်အတၢ်မၤပြတိာ်ပာ်စၢၤဒ် အပူၤကွံာ် မၤတ့ၢ် လံဝဲအသိးန့ၣ်လီၤ.

၇.ဖဲတၢ်စံးကတိၤသကိးဝဲထံရူၢ်ကီၢ်သဲး တၢ်ဂ့ၢ်မ့ၢ်ဘၣ်လိၣ်ဖိးဒ့လံဝဲလၢ ခံကပၤလၢာ်ဒီး တၢ် နာ် န့ၣ် လိာ်သး မ့ၢ်အိၣ်ထီၣ်လၢလၢပှဲၤပှဲၤလံန့ၣ် တၢ်ဂ့ၢ်လၢအဖီခိၣ် တဖၣ်ခဲ လၢာ် န့ၣ် တၢ်ရဲၣ်ကျဲၤ မၤဘၣ် ဂီၢ်က့ၤအီၤသ့ဝဲဒၣ်န့ၣ်လီၤ.

လၢ
ကီၢ်ရ့ၣ်မုာ်ြတီၤ