မုာ်ကျိၤ၀ဲၤကွာ်ဒီးကမျၢၢ်တၢ်ဂုၤထီၣ်ပသီထီၣ်ဒ်ပစံးတၢ်အသိးတၢ်ဖံးအီၣ်မၤအီၣ်လၢအဖိးမံဒီးပလီၢ်ကဝီၤတၢ်အိၣ်သးဖဲခ့ခါဆၢကတီၢ်ခဲအံၤြကၢးမ့ၢ်၀ဲလီၢ်ကဝီၤထံဖိကီၢ်ဖိအတၢ်ဂုၤထီၣ်ပသီထီၣ် ဒီးကဘၣ်မ့ၢ်စ့ၢ်ကီး၀ဲတၢ်တူၢ်ယံာ်ခီၣ်ကျၢၤတၢ်ဖံးတၢ်မၤလၢအကဲဘျုးဒီးအုာ်ကီၤတၢ်န့ၢ်လီၤ.
တၢ်ဂုၤထီၣ်ပသီထီၣ်အံၤဒ်သိးကမ့ၢ်တၢ်တူၢ်ယံာ်ခီၣ်ကျၢၤအဂီၢ်ကဘၣ်မ့ၢ်တၢ်ဟဲအိၣ်ထီၣ်လၢခီၣ်တဃာ်ကမျၢၢ်ထံဖိကီၢ်ဖိအသိးအကျါန့ၢ်လီၤ.လၢတၢ်န့ၢ်အဃိတၢ်လၢအဖိးမံဒီးတၢ်ရဲၣ်တၢ်ကျဲၤဝဲအံၤအဒိၣ်ကတၢၢ်ကဘၣ်မ့ၢ်ဝဲခီၣ်တဃာ်ကရူၢ်ကရၢလၢအသးအိၣ်ဆီၣ်ထွဲတၢ်ဒုးသ့ထီၣ်ဘၣ်ထီၣ်ကမျၢၢ်ထံဖိကီၢ်ဖိအတၢ်သ့တၢ်ဘၣ်အကံၢ်အစီလၢကဖံးအီၣ်မၤအီၣ်တၢ်အဂီၢ်န့ၢ်လီၤ.
မ့မ့ၢ်တၢ်ဂုၤထီၣ်ပသီထီၣ်ဒိၣ်ဒိၣ်မုၢ်မုၢ်ဒီးတၢ်ထုးထီၣ်တၢ်အိၣ်ယၢၤအါအါဂီၢ်ဂီၢ်ဒ်ပစံးတၢ်အသိး(ခီပနံၣ်)လၢကဟဲနုာ်လီၤမၤမုၢ်ကျိၤ၀ဲၤကွာ်လၢပဟီၣ်ကဝီၤပူၤခ့ခါကတီၢ်ခဲအံၤဆၢကတီၢ်တတုၤဃီၤဒံးဘၣ်.ခီဖျိပထံလီၢ်ကီၢ်ပူၤဒီးပဟီၣ်ကဝီၤပူၤထံရူၢ်ကီၢ်သဲးတၢ်ဂၢၢ်တၢ်ကျၢၤလီၤတံၢ်လီၤ
ဆဲးတအိၣ်ဒံးဘၣ်/ထံရူၢ်ကီၢ်သဲးတၢ်ဂၢၢ်တၢ်ကျၢၤတအိၣ်ဒံးလီၤတံၢ်လီၤဆဲးအဃိတၢ်ဘံၣ်တၢ်ဘၢတကပၤစ့ၢ်ကီးတၢ်အုာ်ကီၤသးလီၤတံၢ်လီၤဆဲးတအိၣ်ဒံးဘၣ်/ပတၢ်နၢ်ပၢၢ်တၢ်သ့တၢ်ဘၣ်တၢ်လဲၤခီဖျိလၢမုၢ်ကျိၤဝဲၤကွာ်အဒိၣ်အထီတအိၣ်ဒံးအဃိပတၢ်ဘၣ်ယိၣ်ဘၣ်ဘှီအိၣ်ဝဲလၢကလဲၤတလၢကွံာ်လီၢ်ကဝီၤထံဖိကီၢ်ဖိအတၢ်ဘျုးတၢ်ဖှိၣ်ဒီးအတၢ်မိၣ်န့ၢ်သးလီတဖၣ်န့ၢ်လီၤ.
မုာ်ကျိၤဝဲၤကွာ်ဒီးကထုးထီၣ်တၢ်အိၣ်ယၢၤလၢပဟီၣ်ကဝီၤပူၤကမ့ၢ်ဝဲတၢ်လၢပလိၣ်ဘၣ်
အီၤအပတီၢ်ဧိၤတဘၣ်မ့ၢ်တၢ်တလၢကွံာ်အခၢးလၢပလိၣ်ဘၣ်အီၤဘၣ်ပတၢ်မိၣ်န့ၢ်သးလီဒ်အံၤမ့ၢ်
ဒ်သိးပကကၢၤက့ၤစ့ၢ်ကီးတၢ်သူၣ်လီသးကွံတလၢကွံာ်အခၢးဒီးပဟီၣ်ကဝီၤတၢ်အိၣ်တၢ်ယၢၤတ
ဖၣ်လၢဖိလံၤလီၢ်ကဝီၤဖိခါလၢကဟဲတစိၤဘၣ်တစိၤကဒိးန့ၢ်သူစွဲဘၣ်ဒံးဝဲအဂီၢ်န့ၢ်လီၤ.
ခီၣ်တဃၣ်ကရူၢ်ကရၢလၢကဟဲနုာ်လီၤမၤတၢ်ဒုးသ့ထီၣ်ဘၣ်ထီၣ်ကမျၢၢ်ထံဖိကီၢ်ဖိအကံၢ်အစီအတၢ်သ့တၢ်ဘၣ်ဘၣ်ထွဲတၢ်ဂုၤထီၣ်ပသီထီၣ်အတၢ်မၤတဖၣ်မ့ၢ်ဂ့ၤ,ကမၤဂုၤထီၣ်ပသီထီၣ်လီၢ်ကဝီၤကမျၢၢ်ထံဖိကီၢ်ဖိမ့ၢ်ဂ့ၤခီဖျိကမၤမုာ်ကျိၤဝဲၤကွာ်မ့တမ့ၢ်ထုးထီၣ်တၢ်အိၣ်ယၢၤတမံၤလၢ်လၢ်ကဘၣ်ထံၣ်လိာ်တၢၣ်ပီၣ်ဒီးလီၢ်ကဝီၤဘၣ်မူဘၣ်ဒါဒီးထံဖိကီၢ်ဖိတဖၣ်န့ၢ်လီၤ.
Home »
မုၢ်ကျိၤ၀ဲၤကွာ်
» မုာ်ကျိၤ၀ဲၤကွာ်ဒီးကမျၢၢ်တၢ်ဂုၤထီၣ်ပသီထီၣ်
မုာ်ကျိၤ၀ဲၤကွာ်ဒီးကမျၢၢ်တၢ်ဂုၤထီၣ်ပသီထီၣ်
Subscribe to:
Post Comments (Atom)
0 ဟ့ၣ်ခီၣ်မဲၣ်လီၢ်ဖဲအံၤ:
Post a Comment